মৰিগাঁও, 13 ছেপ্টেম্বৰ : অসম হেণ্ডবল সন্থাৰ তত্বাৱধানত নগাঁও আৰু মৰিগাঁও জিলা হেণ্ডবল সন্থাৰ যুটীয়া উদ্যোগত ইণ্ডো-বাংলাদেশ আন্তঃ ৰাষ্ট্ৰীয় দিবা-নৈশ হেণ্ডবল প্ৰতিযোগিতা অনুষ্ঠিত হয় । মঙলবাৰে নিশা বৰপূজীয়া মিনি ষ্টেডিয়ামত অনুষ্ঠিত হয় এই প্ৰতিযোগিতা । উলেখ্য যে গুৱাহাটী, বাৰপূজীয়া, শিৱসাগৰ আৰু মৰিয়নিসহ মুঠ চাৰিটাস্থানত হ’ব লগীয়া প্ৰতিযোগিতাৰ দ্বিতীয়খন মেচ নিশা 8 বজাত অনুষ্ঠিত হয় বাৰপূজীয়াত ।
নিশা ভাৰত আৰু বাংলাদেশৰ মাজত অনুষ্ঠিত তীব্ৰ উত্তেজনাপূৰ্ণ মেচখনত বাংলাদেশে বৃহৎ গ’লৰ ব্যৱধানত পৰাস্ত কৰে ভাৰতক ৷ মেচখনত বাংলাদেশে 41-26 গ'লৰ ব্যৱধানত ভাৰতীয় দলটোক পৰাস্ত কৰে বাংলাদেশে ৷ ইফালে বুধবাৰে দুয়ো দল পুনৰ মুখামুখি হ'ব শিৱসাগৰ জিলাত । শিৱসাগৰৰ পাচত মৰিয়নিত অন্তিমখন মেচ অনুষ্ঠিত হ’ব বুলি জানিবলৈ দিছে অসম হেণ্ডবল সন্থাৰ নগাঁও জিলা সমিতিৰ সম্পাদক তথা আয়োজক সমিতিৰ সম্পাদক সুধন্য কুমাৰ সেনাপতিয়ে ।