মৰিগাঁও, 11 এপ্ৰিল : শেহতীয়াকৈ ৰাজ্য চৰকাৰে নিকা অসম গঢ়িবলৈ দুৰ্নীতিৰ বিৰুদ্ধে মাৰ বান্ধি থিয় দিছে (Land broker case in Morigaon) ৷ মুখ্যমন্ত্ৰী হিমন্ত বিশ্ব শৰ্মাৰ নিৰ্দেশনা অনুসৰি ভূ-মাফিয়াৰ বিৰুদ্ধে কঠোৰ অভিযান চলাই থকাৰ সময়তে মৰিগাঁৱত ভূ-মাফিয়াৰ দপদপনিত ত্ৰাহি মধুসূদন সোঁৱৰিছে সেই স্থানত বাস কৰা লোকসকলে (illegal land occupy case in Morigaon)৷
এতিয়া মৰিগাঁও-নগাঁও সীমামূৰীয়া দীঘলীপথাৰত চলিছে ভূ-মাফিয়াৰ অবৈধ দখলৰাজ । নিশা হ'লেই সুযোগ বুজি ভূ-মাফিয়াই JCB ৰে অবৈধভাৱে পুখুৰী খান্দি ভয় ভাবুকিৰে দখল কৰে স্থানীয় লোকৰ ম্যাদী পট্টাৰ ভূমি (Local demands justice)৷ জিলাখনৰ মিকিৰভেটা ৰাজহ চক্ৰৰ অন্তৰ্গত পূব ৰঙাদৰিয়া, দীঘলীপথাৰ আদি গাঁৱৰ গেজিং ৰিজাৰ্ভ আৰু একাংশ কৃষিভূমিত ভূ-মাফিয়া আচকৰ আলী নামৰ এজন ভূ-মাফিয়াই মাটিৰ দালালৰাজ চলাই থকাৰ গুৰুতৰ অভিযোগ উত্থাপন কৰিছে স্থানীয় ৰাইজে ৷
ভুক্তভোগীয়ে সংবাদমাধ্যমক জনায়, ‘‘আমাৰ খেতি ভূমিত আমি গম নোপোৱাকৈ নিশাই আচকৰে আহি মাটি খান্দি থৈ যায় ৷ পুৱা আমি দেখাৰ লগে লগে আচকৰে আমাক লগ কৰি কয় যে, মই আপোনাৰ মাটি খান্দিলো, তাৰ বিনিময়ত কি লাগে আপুনি ল’ব পাৰে ৷ লগে লগে আমি ভূমিখিনি ঘূৰাই বিচৰাত আচকৰে দিবলৈ অমান্তি হয় ৷’’