ৰমেন তালুকদাৰক নিলম্বন কৰা হোৱা নাই, বদলিহে কৰা হৈছেঃ মন্ত্ৰী হিমন্ত বিশ্ব শৰ্মা

মঙলবাৰে নিশা জাগীৰোড কাগজকলত স্থাপিত COVID হাস্পতাল পৰিদৰ্শন স্বাস্থ্যমন্ত্ৰী হিমন্ত বিশ্ব শৰ্মাৰ ৷ জাগীৰোডত উপস্থিত হৈ কেতবোৰ গুৰুত্বপূৰ্ণ বিষয়ত মন্তব্য কৰে স্বাস্থ্যমন্ত্ৰী গৰাকীয়ে ৷

মৰিগাঁও, 10 জুনঃ গুৱাহাটী চিকিৎসা মহাবিদ্যালয় হাস্পতালৰ অধীক্ষক ৰমেন তালুকদাৰক নিলম্বন কৰা হোৱা নাই, বদলিহে কৰা হৈছে ৷ এই গুৰুত্বপূৰ্ণ বিষয় সন্দৰ্ভত উল্লেখ কৰে স্বাস্থ্যমন্ত্ৰী ডঃ হিমন্ত বিশ্ব শৰ্মাই ৷ ডা৹ ৰমেন তালুকদাৰক বদলি কৰা হৈছে লখিমপুৰ চিকিৎসা মহাবিদ্যালয়লৈ ৷ আনহাতে ৰাষ্ট্ৰীয় স্বাস্থ্য অভিযানৰ ই.ডি অচ্যুৎ বৈশ্যক নিযুক্তি দিয়া হৈছে গুৱাহাটী চিকিৎসা মহাবিদ্যালয় হাস্পতালৰ অধ্যক্ষ হিচাপে ৷ লগতে ডাঃ অভিজিৎ শৰ্মাক চিকিৎসা মহাবিদ্যালয়খনৰ নতুন অধীক্ষক হিচাপে দায়িত্ব দিয়া হৈছে ৷

ইয়াৰোপৰি স্বাস্থ্যমন্ত্ৰী গৰাকীয়ে জানিবলৈ দিয়ে যে, অসম চৰকাৰৰ আয়ুক্ত সচিবৰ এক প্ৰতিবেদনৰ ভিত্তিত কৰা হৈছে এই সাল সলনি ৷ মঙলবাৰে নিশা জাগীৰোডত উপস্থিত হৈ এই বিষয়ে জানিবলৈ দিয়ে স্বাস্থ্যমন্ত্ৰী গৰাকীয়ে ৷

লগতে পঢ়কঃগুৱাহাটী চিকিৎসা মহাবিদ্যালয়ৰ অধীক্ষক ডাঃ ৰমেন তালুকদাৰক বদলি