মৰিগাঁৱত পিষ্টল আৰু সজীৱ গুলীসহ সহ আটক 6 জন

বৃহস্পতিবাৰে মৰিগাঁৱত হস্তনিৰ্মিত পিষ্টল আৰু সজীৱ গুলীসহ সহ আটক 6 জন ব্যক্তি ৷ মহিলাক অপহৰণ কৰিবলৈ অহা সময়তে আটক কৰে বৰচলা আৰক্ষীয়ে ৷

মৰিগাঁও, 23 জানুৱাৰীঃ মৰিগাঁৱত হস্তনিৰ্মিত পিষ্টল আৰু সজীৱ গুলীসহ সহ আটক 6 জন ব্যক্তি ৷ এগৰাকী মহিলাক অপহৰণ কৰিবলৈ আহি মৰিগাঁও বৰচলা আৰক্ষীৰ ৰঙাঘৰৰ আলহী হ'ল ব্যক্তি কেইজন ৷ ঘটনা সন্দৰ্ভত তদন্ত অব্যাহত ৰাখিছে বৰচলা আৰক্ষীয়ে ৷ আনহাতে, আটকাধীন যুৱককেইজন ক্ৰমে ছেলিমউদ্দিন, ফকৰউদ্দিন, আতিকুল ইছলাম, ছাদ্দাম হুছেইন, মজিবুৰ ৰহমান আৰু মাজৰুল আলম বুলি জানিবলৈ দিয়ে আৰক্ষীয়ে ৷

নগাঁৱৰ জুৰীয়াত আটকাধীন 6 জনীয়া যুৱকৰ দলটোৱে বৰচলা আৰক্ষী চকীৰ অন্তৰ্গত সাপকাটি গাঁৱৰ আৰজ আলীৰ ঘৰৰ পৰা ছেলিমউদ্দিনৰ পত্নীক ভয় ভাবুকি দেখুৱাই লৈ যাব আহিছিল বুলি আৰক্ষীৰ জেৰাত স্বীকাৰ কৰে দলটোৱে ৷ উল্লেখ্য যে, দীৰ্ঘদিন ধৰি স্বামী ছেলিমউদ্দিনৰ নিৰ্যাতনৰ বলি হৈ দুই সন্তান সহ মাতৃগৃহত থাকিবলৈ লৈছিল পত্নীয়ে ৷

আৰু পঢ়কঃ চিলিণ্ডাৰ বিস্ফোৰণ ! মহানগৰীত জীৱন্তে অগ্নিদগ্ধ দুই কণমাণি