মৰিগাঁৱত অবৈধভাৱে চলিছে মৎস্য চিকাৰঃনিৰ্বিকাৰ বিধায়ক ৰমাকান্ত দেউৰী

মীন আইনক বৃদ্ধাংগুষ্ট প্ৰদৰ্শনেৰে মৰিগাঁৱৰ সোণডোবা,পাভকাটি আৰু মৰিবিল বিলত দিনে নিশাই অব্যাহত আছে মাছমৰীয়া তথা মৎস্য ব্যৱসায়ীৰ দৌৰাত্ম্য৷ইপিনে স্থানীয় লোকৰ অভিযোগ,শাসকীয় দলৰ বিধায়ক তথা অসম মীন উন্নয়ন নিগমৰ অধ্যক্ষ ৰমাকান্ত দেউৰীৰ ঘনিষ্ঠ জনৈক দাস উপাধিৰ লোকজনৰ ছত্ৰছাঁয়াতে এইদৰে অবৈধ মৎস্য চিকাৰ কৰি আহিছে একাংশ দুষ্ট চক্ৰই ৷

মৰিগাঁও,21মে': লক ডাউনৰ মাজতে অব্যাহত আছে কণী যুক্ত মাছৰ নিধন যজ্ঞ ৷ এই ঘটনা সংঘটিত হৈছে মৰিগাঁৱত ৷ মৰিগাঁৱৰ বিভিন্ন বিল-খাল,জলাশয়ত অবৈধভাৱে চলিছে মৎস্য চিকাৰ। থলুৱা মাছৰ বংশ বৃদ্ধিত বিধি-পথালি দিয়া একাংশ মৎস্য ব্যৱসায়ীক লৈ কিন্তু নিৰ্বিকাৰ শাসকীয় দলৰ স্থানীয় বিধায়ক তথা অসম মীন উন্নয়ন নিগমৰ অধ্যক্ষ ৰমাকান্ত দেউৰী ৷ একপ্ৰকাৰ যেন নিধিৰাম চৰ্ডাৰৰ ভূমিকা পালন কৰিছে বিধায়কগৰাকীয়ে ৷ যাৰ সুযোগ লৈ মীন আইনক বৃদ্ধাংগুষ্ট প্ৰদৰ্শনেৰে মৰিগাঁৱৰ সোণডোবা,পাভকাটি আৰু মৰিবিল বিলত দিনে নিশাই অব্যাহত আছে মাছমৰীয়া তথা মৎস্য ব্যৱসায়ীৰ দৌৰাত্ম্য৷ইপিনে স্থানীয় লোকৰ অভিযোগ,শাসকীয় দলৰ বিধায়ক তথা অসম মীন উন্নয়ন নিগমৰ অধ্যক্ষ ৰমাকান্ত দেউৰীৰ ঘনিষ্ঠ জনৈক দাস উপাধিৰ লোকজনৰ পৃষ্ঠপোষকতাতে এইদৰে অবৈধ মৎস্য চিকাৰ কৰি আহিছে একাংশ দুষ্ট চক্ৰই ৷

আনহাতে এইক্ষেত্ৰত স্থানীয় বিধায়ক তথা অধ্যক্ষ গৰাকীক গৰিহণা দিয়াৰ লগতে চৰকাৰক তদন্তৰো দাবী কৰিছে স্থানীয় ৰাইজে৷

লগতে পঢ়কঃলক ডাউন4.0: কৰ্মসংস্থাপন লাভ বহু শিক্ষিত যুৱকৰ