আচমীয়ে ল'লে চেলফী, বদলি হ'ল আৰক্ষী

পত্নীৰ অভিযোগত অভিযুক্ত আচামী আচাদুৰ ৰহমানৰ পাঁচজন বন্ধুৱে আচামী জনক লগ কৰিবলৈ আহি আচামীজনৰ লগত চেলফি তুলি ফেচবুকত আপডেট দিয়াৰ পাছত পাঁচ বন্ধুক আচক কৰে আৰক্ষীয়ে ৷ আৰক্ষী বিষয়াকো শাস্তিমূলক বদলি ৷

মৰিগাঁও , 27 চেপ্তেম্বৰঃ মৰিগাঁৱত Etv Bharat ৰ বাতৰিৰ প্ৰভাৱ ৷ Etv Bharat ত বাতৰি প্ৰকাশৰ পাছতেই অভিযুক্ত আচামীৰ লগত লকআপৰ সন্মুখত চেলফি লোৱা পাঁচ বন্ধুক আৰক্ষীয়ে আটক কৰাৰ লগতে শাস্তি মূলকভাৱে বদলি কৰে আৰক্ষী বিষয়াক ৷ ঘটনাটো সংঘটিত হৈছিল 23 চেপ্তেম্বৰ তাৰিখে ৷ পত্নীৰ অভিযোগত অভিযুক্ত আচামী আচাদুৰ ৰহমানৰ পাঁচজন বন্ধুৱে আচামীজনক লগ কৰিবলৈ আহি আচামীজনৰ লগত চেলফি তুলি আপডেট দিয়ে সামাজিক সংযোজন মাধ্যম ফেচবুকত ৷ উল্লেখযোগ্য যে, আৰক্ষী চকীৰ ভিতৰত অনুমতি অবিহনে কেমেৰা ব্যৱহাৰ কৰা বৈধ নহয় ৷ এই ঘটনাক লৈ সৰ্বত্ৰে সমালোচনা হোৱাৰ পাছত মিকিৰভেটা থানাৰ ভাৰপ্ৰাপ্ত বিষয়াজনক শাস্তি মূলক ভাৱে বদলি কৰাৰ লগতে গৃহৰক্ষী জোৱানক চাকৰিৰ পৰা নিলম্বন কৰে ৷ পাঁচজন বন্ধুক আটক কৰাৰো পদক্ষেপ গ্ৰহণ কৰে উপ আৰক্ষী বিষয়াই ৷