Environment Education programme: মৰিগাঁও মহাবিদ্যালয়ত পৰিৱেশৰ বাবে জীৱন শৈলী সন্দৰ্ভত সপ্তাহযোৰা কাৰ্যসূচী

বুধবাৰে অসম বিজ্ঞান সমিতিৰ মৰিগাঁও শাখাৰ উদ্যোগত মৰিগাঁও জিলা প্ৰশাসন আৰু মৰিগাঁও জিলা শিক্ষা বিভাগৰ সহযোগত মৰিগাঁও মহাবিদ্যালয়ত Environment Education Programme চমুকৈ EEP ৰ অধীনত পৰিৱেশৰ বাবে জীৱন শৈলী (A week for LiFE Campaign) শীৰ্ষক নামেৰে এক সপ্তাহযোৰা কাৰ্যসূচীৰ আৰম্ভ হৈছে ।

মৰিগাঁও, 23 মাৰ্চ :মৰিগাঁও মহাবিদ্যালয়ত পৰিৱেশৰ বাবে জীৱন শৈলী শীৰ্ষক নামেৰে এক সপ্তাহযোৰা কাৰ্যসূচী আৰম্ভ হৈছে ৷ অসম বিজ্ঞান সমিতিৰ মৰিগাঁও শাখাৰ উদ্যোগত মৰিগাঁও জিলা প্ৰশাসন আৰু মৰিগাঁও জিলা শিক্ষা বিভাগৰ সহযোগত মৰিগাঁও মহাবিদ্যালয়ত বুধবাৰৰ পৰা আৰম্ভ হৈছে এই সপ্তাহযোৰা কাৰ্যসূচী ৷ Environment Education Programme চমুকৈ EEP ৰ অধীনত পৰিৱেশৰ বাবে জীৱন শৈলী শীৰ্ষক বিষয়ৰ ওপৰত আলোচনা কৰা হ’ব এই কাৰ্যসূচীত ৷

পৰিৱেশ শিক্ষা হৈছে এনে এক শিক্ষাগত প্ৰক্ৰিয়া, যাৰ জৰিয়তে মানুহৰ সৈতে তেওঁলোকৰ প্ৰাকৃতিক আৰু মানুহে সৃষ্টি কৰা পৰিৱেশ সম্পৰ্কে অধ্যয়ন কৰা হয় ৷ জনসংখ্যাৰ সম্পৰ্ক, প্ৰদূষণ, সম্পদৰ আৱণ্টন আৰু নিঃশেষ, সংৰক্ষিত পৰিবহণ প্ৰযুক্তি আৰু সমগ্ৰ মানৱ পৰিৱেশৰ বাবে নগৰাঞ্চল আৰু গ্ৰামীণ পৰিকল্পনাক ইয়াৰ ভিতৰত সামৰি লোৱা হৈছে । ইফালে প্লাষ্টিকৰ ব্যৱহাৰে এফালৰ পৰা শেষ কৰি আনিছে পৃথিৱীখন ৷ চিংগল ইউজ প্লাষ্টিকে ধ্বংসৰ গৰাহলৈ ঠেলি দিছে পৃথিৱীখনক ৷ এই প্লাষ্টিকৰ ব্যৱহাৰ কিদৰে এৰাই চলিব পাৰি সেই সন্দৰ্ভতো আলোচনা কৰা হ’ব এই সপ্তাহযোৰা কাৰ্যসূচীত (Environment Education Programme) ৷

পৰিৱেশ সন্দৰ্ভত সজাগতা সভা

এই কাৰ্যসূচীৰ শুভাৰম্ভ কৰে মৰিগাঁও জিলাৰ বিদ্যালয় সমূহৰ পৰিদৰ্শিকা বুলি গগৈ ভূঞাই ৷ মুখ্য অতিথি হিচাপে উপস্থিত থাকি ভাষণ প্ৰদান কৰে জিলা উপায়ুক্ত দেবাশীষ শৰ্মাই ৷ জনপ্ৰিয় বক্তা ড৹ হেমাংগ জ্যোতি শৰ্মাইও অনুষ্ঠানটোত প্ৰদান কৰিলে তেখেতৰ সাৰুৱা ভাষণ । লগতে উপস্থিত থাকে অসম বিজ্ঞান সমিতিৰ সচিব শ্ৰী মৃণাল কুমাৰ হাজৰিকা, মৰিগাঁও কলেজৰ অধ্যক্ষ ড লীলা বৰঠাকুৰ, মৰিগাঁও শাখাৰ সভাপতি ড৹ ধনঞ্জয় কুশ্ৰে, সম্পাদক শ্ৰী নিৰোদ কুমাৰ বৰা, DNA সমন্বয়ক ইমদাদ আলী ।

প্ৰথম দিনৰ এই কাৰ্য্যসূচীৰ পৰিচালনা কৰে ড৹ নিলোফাৰ জেচমিনে । তাৰোপৰি জিলা ভিত্তিক শ্ল’গান আৰু পষ্টাৰ প্ৰতিযোগিতা এখনিও অনুষ্ঠিত কৰা হয় । তাৰোপৰি প্ৰথম দিনাৰ বিষয়ৰ সৈতে সংগতি ৰাখি leaflet বিতৰণ কৰা হয় ।

লগতে পঢ়ক :Hindu Hridoy samrat Award : মুখ্যমন্ত্ৰী হিমন্ত বিশ্ব শৰ্মাক হিন্দু হৃদয় সম্ৰাট সন্মান প্ৰদান পণ্ডিত ধীৰেন্দ্ৰ কৃষ্ণ শাস্ত্ৰীৰ