মৰিগাঁৱত উলহ মালহৰে দেৱী বিৰ্সজন পৰ্ব আৰম্ভ

মৰিগাঁও জিলা প্ৰশাসনৰ উদ্যোগত মৰিগাঁও মালপোতা ভাচনি ঘাটত দুপৰীয়াৰ পৰা আৰম্ভ হৈছে বিজয়া দশমী পৰ্ব ৷

মৰিগাঁও, 26 অক্টোবৰ: ৰাজ্যজুৰি আজি পালন কৰা হৈছে বিজয়া দশমী ৷ ষষ্ঠীত বেদীত প্ৰতিষ্ঠা কৰা মা দুৰ্গাৰ প্ৰতিমাক ৰীতি-নীতিৰ মাজেৰে আজি বিসৰ্জন দিয়া হৈছে ৷ তাৰেই পৰিপ্ৰেক্ষিতত ৰাজ্যৰ ভিন্ন প্ৰান্তৰ লগতে মৰিগাঁৱতো আয়োজন আৰম্ভ হৈছে মা দুৰ্গাৰ প্ৰতিমা বিসৰ্জন দিয়া কাৰ্যসূচী ৷ মৰিগাঁও জিলা প্ৰশাসনৰ উদ্যোগত মৰিগাঁও মালপোতা ভাচনি ঘাটত দুপৰীয়াৰ পৰা আৰম্ভ হৈছে বিজয়া দশমী পৰ্ব ৷ দেৱী বিসৰ্জন স্থলীত গঢ়ি তোলা হৈছে কটকটীয়া নিৰাপত্তা ব্যৱস্থা ৷

উল্লেখ্য যে, ৰাজ্য চৰকাৰে নিৰ্ধাৰণ কৰি দিয়া কভিড প্ৰ'টকল মানি মৰিগাঁৱৰ মালপোতা ভাচনি ঘাটত অনুষ্ঠিত হোৱা বিসৰ্জন পৰ্বত দহভাগকৈ পূজাৰ দেৱীক বিৰ্সজন দিয়া হ'ব ৷ দুপৰীয়াৰ ভাগৰ পৰা অনুষ্ঠিত হোৱা এই বিজয়া দশমী পৰ্বত মৰিগাঁও জিলা আৰক্ষী প্ৰশাসনে তদাৰক কৰি সামাজিক দূৰত্ব আৰু মাক্স পৰিধানৰে সম্পন্ন কৰে দেবী বিসৰ্জন কাৰ্যসূচী ৷ দেৱীক বিৰ্সজন দি সকলোৰে মংগল কামনা কৰে আয়োজক ভক্ত প্ৰাণ বিষয় ববীয়াই ৷

লগতে পঢ়কঃদেৱী বিসৰ্জনৰ বাবে সাজু নগাঁৱৰ বাঙালী পূজা সমিতি