সমবায় সমিতিৰ পৰা কমিছনৰ দাবী এআইইউডিএফ নেতাৰ

ইছাৰাফিল আলীয়ে সমবায়খনৰ এজেন্টৰ সামগ্ৰীৰ 50 শতাংশ ভাগ বিচৰাৰ লগতে এজেন্ট,সচিব আৰু সভাপতিৰ বিৰুদ্ধে বিভিন্ন অপপ্ৰচাৰ চলোৱাৰ ষড়যন্ত্ৰত লিপ্ত হৈছে ৷

মৰিগাঁও, 28 নৱেম্বৰ: মৰিগাঁও জিলাৰ মৈৰাবাৰী লোচনাবৰী সমবায় সমিতিৰ উপসভাপতি তথা এআইইউডিএফৰ নেতা ইছাৰাফিল আলীৰ বিৰুদ্ধে উত্থাপিত হৈছে গুণ্ডাগিৰী অভিযোগ৷ ইছাৰাফিল আলীয়ে সমবায়খনৰ এজেন্টৰ সামগ্ৰীৰ 50 শতাংশ ভাগ বিচৰাৰ লগতে এজেন্ট,সচিব আৰু সভাপতিৰ বিৰুদ্ধে বিভিন্ন অপপ্ৰচাৰ চলোৱাৰ ষড়যন্ত্ৰত লিপ্ত হৈছে ৷ উপসভাপতিৰ এনে কাৰ্যৰ বিৰুদ্ধে এতিয়া সাধাৰণ ৰাইজে ক্ষোভ প্ৰকাশ কৰিছে ৷

ইছৰাফিল আলীয়ে বিভিন্ন সময়ত এআইইউডিএফ দলৰ নেতা হিচাপে বিভিন্ন ভয় ভাবুকিৰে গুণ্ডাগিৰী দেখুৱাই বিভিন্ন সময়ত হাৰাশাস্তি কৰি অহাৰ অভিযোগ উত্থাপন হৈছে ৷ উল্লেখযোগ্য যে,কিছুদিন পূৰ্বেও মৈৰাবাৰীত জাতীয় পতাকা উত্তোলনৰ সময়তে জাতীয় সংগীতক চৰম অপমান কৰি বিতৰ্কৰ মাজত সোমাইছিল উক্ত পালি নেতাগৰাকী ।

সমবায় সমিতিৰ পৰা কমিছনৰ দাবী এআইইউডিএফৰ নেতাৰ

লগতে পঢ়ক: বাক্যবাণ : হিমন্ত বিশ্ব শৰ্মা বনাম হাগ্ৰামা মহিলাৰী