মৰিগাঁও, 17 জুলাই :মৰিগাঁৱত বিগত দহ দিন ধৰি হাহাকাৰ পৰিস্থিতিৰ সৃষ্টি হৈছে বানাক্ৰান্তৰ মাজত । ইমান দিনৰ পাচতো খবৰ ল’বলৈ আহৰি নাই স্থানীয় জনপ্ৰতিনিধি তথা বিধায়ক পীযুষ হাজৰিকাৰ । এই অভিযোগ উত্থাপন কৰিছে মৰিগাঁৱৰ বানাক্ৰান্তসকলে ৷
মৰিগাঁৱত বানৰ প্ৰলয়
উল্লেখ্য যে,মৰিগাঁও জিলাৰ বান বিধ্বস্ত পকৰীয়া মৌজাৰ গাগলমাৰি গাঁও পঞ্চায়তৰ আটাইতকৈ দীঘলীয়া মথাউৰিত বিগত 9-10 দিন ধৰি আ্ৰশ্ৰয় লৈ আছে 5 সহস্ৰাধিক বন্যাৰ্তই । কেইখনমান তিৰ্পালৰ বাহিৰে মৰিগাঁৱৰ এইসকল গাগলমাৰি,আশীগৰ,লেহপতি গাঁও পঞ্চায়তৰ বানাক্ৰান্তই লাভ কৰা নাই খাদ্য-সামগ্ৰীৰ লগতে বিশুদ্ধ খোৱাপানী । ভীষণ খাদ্য সংকটত ভুগিছে বৃহত্তৰ গাগলমাৰি অঞ্চলৰ বহুকেইখন গাঁও পঞ্চায়তৰ পশুধন ।