মৰিগাঁও,19 মে’: মৰিগাঁৱৰ লাহৰীঘাটত মৃত্যু হয় প্ৰথমগৰাকী কৰ’ণাত আক্ৰান্ত ৰোগীৰ ৷ উল্লেখ্য যে, 5 দিন পূৰ্বে নিজ গেৰুৱা ৰাজ্যিক চিকিৎসালয়ত ধৰা পৰিছিল মৃত মহিলাগৰাকীৰ দেহত কৰ’ণাৰ অৱস্থিতি ৷
ইয়াৰ পাচতে মহিলাগৰাকীক হোম আইচ’লেশ্চনত ৰখা হয় যদিও সোমবাৰে শ্বাস-প্ৰশ্বাসত কষ্ট অনুভৱ কৰাত লাহৰীঘাট বিপিএইচচিৰ ক’ভিড কেয়াৰ চেণ্টাৰত ভৰ্তি কৰোৱা হয় ৷ পৰৱৰ্তী সময়ত নিজ গেৰুৱা ৰাজ্যিক চিকিৎসালয়লৈ প্ৰেৰণ কৰা হয় মহিলাগৰাকীক । কিন্তু স্বাস্থ্যৰ অধিক অৱনতি ঘটাত সোমবাৰে আবেলি পুনৰ মৰিগাঁও অসামৰিক চিকিৎসালয়ৰ ক’ভিড কেয়াৰ চেণ্টাৰলৈ লৈ যোৱা হয় ৷