লাহৰীঘাটত কংগ্ৰেছ - এ আই ইউ ডি এফৰ দুই সহস্ৰাধিক লোকৰ অগপত যোগদান

অব্যাহত আছে অসম গণ পৰিষদৰ সদস্য ভৰ্তি অভিযান ৷ লাহৰীঘাটত কংগ্ৰেছ আৰু এ আই ইউ ডি এফৰ দুই দুই সহস্ৰাধিক সদস্যৰ অগপত যোগদান ৷

লাহৰীঘাট, 15 চেপ্তেম্বৰঃ 2021 চনৰ বিধানসভা নিৰ্বাচনলৈ এতিয়াৰ পৰাই কঁকালত টঙালি বান্ধিছে অসম গণ পৰিষদে ৷ ব্যাপক ৰূপত অব্যাহত আছে সদস্য ভৰ্তি অভিযান ৷ শনিবাৰে মৰিগাঁও জিলাৰ লাহৰীঘাট বিধান সভা সমষ্টিৰ অন্তৰ্গত তুলসীবড়ী গাঁও পঞ্চায়তত অনুষ্ঠিত হোৱা অগপৰ সদস্য ভৰ্তি অভিযানত দলটোত প্ৰায় দুই সহস্ৰাধিক সদস্যই যোগদান কৰে ৷ উল্লেখ্য যে, যোগদান কৰা সদস্য সকল এ আই ইউ ডি এফ আৰু কংগ্ৰেছৰ আছিল বুলি জানিব পৰা গৈছে ৷