মৰিগাঁও, 7 জানুৱাৰী : বহু বিৰ্তক আৰু বহু প্ৰতীক্ষাৰ অন্তত বুধবাৰে মৰিগাঁও স্কুল খেল পথাৰৰ সমীপত আধাৰশিলা স্থাপন কৰা হয় আচাৰ্য ইলাৰাম দাস বাপ সোঁৱৰণী সাংস্কৃতিক সংগ্ৰহালয়ৰ । মুখ্যমন্ত্ৰী সৰ্বানন্দ সোণোৱাল, মন্ত্ৰী ডঃ বিশ্ব শৰ্মা, পীযুষ হাজৰিকা, মৰিগাঁৱৰ বিধায়ক ৰমাকান্ত দেউৰী আৰু মৰিগাঁৱৰ জিলা উপায়ুক্ত লীনা দাসৰ উপস্থিতিত এই আধাৰশিলা স্থাপন ।
উল্লেখযোগ্য যে, শ্ৰীমন্ত শংকৰদেৱ গুৰুজনাৰ এক শৰণ নাম ধৰ্মৰ অন্যতম প্ৰচাৰক তথা শংকৰদেৱ বঁটা প্ৰাপক আচাৰ্য ইলাৰাম দাস বাপ প্ৰৱৰ্তিত একশৰণ ভাগৱতী সমাজ মৰিগাঁৱৰ পৰা অসম চৰকাৰক বহু আৱেদন কৰা হৈছিল ৷ মৰিগাঁওবাসীৰ এই আৱেদনৰ অন্তত বুধবাৰে আনুষ্ঠানিকভাৱে মুখ্যমন্ত্ৰী সৰ্বানন্দ সোণোৱালে স্থাপন কৰিলে এই আধাৰশিলা ।