মৰিগাঁও, 28 এপ্ৰিল : মণিপুৰৰ ইম্ফলৰ আইএছবিটিৰ পৰা গুৱাহাটী অভিমুখে আহি ট্ৰাকত মঙলবাৰে উদ্ধাৰ হয় বৃহৎ পৰিমাণৰ ব্ৰাউন চুগাৰ । MN-01-6991 নম্বৰৰ ট্ৰাকখনত নেলী আৰক্ষী চকীৰ আৰক্ষীয়ে তালাচী কৰাৰ সময়ত জব্দ কৰে 124.07 নিৰিখৰ ব্ৰাউন চুগাৰ ।
নেলী আৰক্ষী চকীৰ ভাৰপ্ৰাপ্ত বিষয়াই জানিবলৈ দিয়া অনুসৰি,10 টা চাবোনৰ কেচৰ ভিতৰত পলিথিনত ট্ৰাকচালকজনে ভৰাই আনিছিল চুগাৰসমূহ। উল্লেখ্য যে,গুৱাহাটীৰ এজন ড্ৰাগছ মাফিয়ালৈ লৈ অনা হৈছিল জব্দ হোৱা ব্ৰাউন চুগাৰখিনি । আৰক্ষীয়ে ইতিমধ্যে ট্ৰাকচালক ইলিয়াচ আলী,ৰমিজুদ্দিন আৰু ট্ৰাকচালকৰ পত্নী মাহমুদা বিবিসহ তিনিজনক আটক কৰি দণ্ডাধীশৰ ওচৰত হাজিৰ কৰায় ।
লগতে পঢ়ক : লক ডাউনে কেনে প্ৰভাৱ পেলাইছে অসমীয়া ছবি জগতত ?