মৰিগাঁও, 11 জুলাইঃ মৰিগাঁৱত ছাত্ৰ নেতাৰ বিৰুদ্ধে বিজেপি নেতাৰ ঘৰ জ্বলাই দিয়াৰ অভিযোগ । বুধবাবে নিশা মৰিগাঁও জিলাৰ লাহৰীঘাটৰ মণ্ডল বিজেপিৰ সভাপতি শংকৰ বসুমতী ঘৰত পেট্ৰ'ল ঢালি অগ্নি সংযোগৰ চেষ্টা কৰাৰ অভিযোগ উত্থাপন হৈছে এগৰাকী ছাত্ৰ নেতাৰ বিৰুদ্ধে ।
অভিযোগ মতে বিষ্ণু ৰাভা দিৱসৰ চান্দা নিদিয়াৰ বাবেই মৰিগাঁও জিলা ছাত্ৰ সন্থাৰ শিক্ষা সম্পাদক অভিজিৎ ব্ৰহ্ম ওৰফে ৰাণাই এখন বগা ৰঙৰ AS01 BZ-0410 নম্বৰ গাড়ীৰে আহি বিজেপিৰ মণ্ডল সভাপতিগৰাকীৰ ঘৰত আহি এইকাণ্ড সংঘটিত কৰে । ইফালে জুই লগা প্ৰত্যক্ষ কৰি ওচৰ চুবুৰীয়াৰ সহযোগত আৰু অগ্নি নিৰ্বাপক বাহিনী সহযোগত জুই নুমুৱাবলৈ সক্ষম হয় । সম্প্ৰতি পলাতক অৱস্থাত আছে অভিযুক্ত ৰাণা ওৰফে অভিজিৎ ।