মৰিগাঁৱত বিজয়োল্লাসৰ পৰা বঞ্চিত হ’ল বিজেপিৰ নেতা কৰ্মী

বিধান সভা নিৰ্বাচনৰ ফলাফলত দ্বিতীয় বাৰৰ বাবে জয়ী ৰমাকান্ত দেউৰী ৷ কিন্তু ক’ভিডৰ এই ভয়াৱহতাৰ বাবে বিজয়োল্লাসৰ পৰা বঞ্চিত হৈ ঘৰে ঘৰে বন্দী হ’বলগা হ’ল বিজেপিৰ নেতা কৰ্মী ৷

মৰিগাঁও, 5 মে’: দেওবাৰে অসম বিধান সভা নিৰ্বাচনৰ ফলাফলত মৰিগাঁও বিধান সভা সমষ্টিত দ্বিতীয় বাৰৰ বাবে জয় লাভ কৰে ৰমাকান্ত দেউৰীয়ে ৷ কিন্তু ক’ভিডৰ এই ভয়াৱহতাৰ মাজত মনৰ আনন্দ মনতে থ’বলগীয়া হ’ল দেউৰীৰ লগতে বিজেপি সমৰ্থকসকলৰ ৷

ক’ভিড প্ৰটকলৰ বাবে মৰিগাঁও জিলা বিজেপিৰ কাৰ্যলয়ত নিমাও-মাও পৰিবেশে বিৰাজ কৰে । আনন্দ উল্লাসৰ পৰা বঞ্চিত হৈ ঘৰে ঘৰে বন্দী হ’ল বিজেপিৰ নেতা কৰ্মীসকল ।

ক’ভিড প্ৰটকলৰ বাবে কোনোৱে অনুষ্ঠিত কৰিব পৰা নাই দ্বিতীয় বাৰ বিজয়ী হোৱাৰ বিজয়োল্লাস । ফলত বিজেপিৰ নেতাকৰ্মীৰ আশাহত হৈ পৰে । উল্লেখ্য যে, ৰমাকান্ত দেউৰীয়ে বিধান সভাৰ নিৰ্বাচনত প্ৰায় 35 হাজাৰৰো অধিক ভোটত জয় লাভ কৰে ৷

লগতে পঢ়ক : নিৰ্বাচনৰ ফলাফলক লৈ প্ৰকৃততে উৎফুল্লিত নে অগপ নেতৃত্ব ?