দলং নিৰ্মাণৰ দাবীত নাম প্ৰসংগেৰে প্ৰতিবাদ ৰাইজৰ

৮ বছৰে সম্পূৰ্ণ নহ'ল জাগী ভকতগাঁৱৰ কপিলি নৈৰ দলং ৷ দলং নিৰ্মাণৰ দাবীত নাম প্ৰসঙ্গৰে প্ৰতিবাদ ৰাইজৰ ৷

মৰিগাঁও, 10 ছেপ্তেম্বৰঃ২০১১ চনতে নিৰ্মাণ কাৰ্য আৰম্ভ কৰা কৰা জাগী ভকতগাঁৱৰ কপিলী নৈৰ দলং খন আজিলৈ সম্পূৰ্ণ নোহোৱাত শংকাৰ মাজৰে যাতায়াত অব্যাহত ৰাখিছে মৰিগাঁওবাসীয়ে । ২৯ কোটি টকাৰে নিৰ্মাণ সম্পূৰ্ণ হ'বলগীয়া দলং খনৰ এটাও খুটা আজিলৈ সম্পূৰ্ণ নোহোৱাত নিৰ্মাণকাৰী কোম্পানী "চিমপ্লেক্স" ৰ অকমণ্যতা প্ৰকাশ পাইছে । অতি লেহেমীয়া গতিৰে দলং নিৰ্মাণ কৰি থকা "চিমপ্লেক্স" কোম্পানীয়ে কপিলি নৈৰ ছটা খুঁটা যুক্ত দলং খনৰ এটা খুঁটাও আজিলৈ সম্পূৰ্ণ কৰিব পৰা নাই । দলং নিৰ্মাণকাৰী কোম্পানীৰ ওপৰত ক্ষোভিত ৰাইজে প্ৰতিষ্ঠানটোৰ লগতে চৰকাৰৰ সুমতি বিচাৰি জল পূজাৰ লগতে নাম প্ৰসঙ্গৰে সাব্যস্ত কৰে অভিনৱ প্ৰতিবাদ ৷ উল্লেখ্য যে ২৯ কোটি টকাৰে নিৰ্মাণ সম্পূৰ্ণ হ'ব লগীয়া দলং খনৰ বাবদ বৰ্তমানলৈ ১১ কোটি টকা মোকলাই দিছে। তৎস্বত্তেও দলং খনৰ এটাও খুঁটা আজিলৈ সম্পূৰ্ণ নোহোৱাত আশ্বৰ্য প্ৰকাশ কৰিছে সকলোৱে ।