মৰিগাঁও,12 আগষ্ট: অসম আৰক্ষীৰ কথাকৈ থাকিলেও ওৰকে নপৰে ৷ বাৰে বাৰে আৰক্ষীৰ খাকী পোচাকত ক’লা দাগ সানিছে একাংশ আৰক্ষীয়ে ৷ দৰমহাৰ টকাৰে পৰিয়াল নচলা হৈছে নেকি একাশং আৰক্ষী বিষয়াৰ ! কিয়নো জনহিত জনসেৱাৰ্থে মন্ত্ৰক ভৰিৰে মহাৰিছে একাংশ আৰক্ষী বিষয়াৰ পৰা আৰম্ভ কৰি কনিষ্টবলে ৷ যিমানে আৰক্ষীক দুৰ্নীতিমুক্ত, ৰাইজৰ সৈতে সম্পৰ্ক উন্নত কৰিবলৈ মুখ্যমন্ত্ৰীয়ে আহ্বান কৰিছে তেনে সময়তে ইজনৰ পিচত সিজন আৰক্ষী বিষয়াৰ পৰা আৰম্ভ কৰি কনিষ্টবলে উৎকোচ লৈ গ্ৰেপ্তাৰ হ’ব লগা হৈছে ৷
এইবাৰ অসম আৰক্ষীৰ খাকী পোছাকত দাগ লগালে এজন আৰক্ষী বিষয়াসহ দুই আৰক্ষী জোৱানে । চৰকাৰী দৰমহাৰে পেট নভৰা আৰক্ষী বিষয়া আৰু কনিষ্টবল এইবাৰ মুখ্যমন্ত্ৰী দুৰ্নীতি নিবাৰক শাখাৰ জালত পৰিল ৷ অসম আৰক্ষীৰ নাক কাটিলে লাহৰীঘাট থানাৰ তিনি আৰক্ষীয়ে ৷ মুখ্যমন্ত্ৰী দুৰ্নীতি নিবাৰক শাখাৰ জালত পৰিল লাহৰীঘাট থানাৰ SI মুকুন্দ্ৰ উপাধ্যায়, কনিষ্টবল মিজানুল হক, হীৰক জ্যোতি ডেকা ৷ জানিব পৰা মতে এজন লোকৰ জামিন প্ৰদানৰ নামত ২০ হাজাৰ টকা উৎকোচ লোৱাৰ সময়তে আটক হয় তিনি আৰক্ষী ৷