মৰিগাঁও, 28 জুলাই : সোমবাৰে কৃষক নেতা অখিল গগৈৰ মুক্তি আৰু আশু আৰোগ্য কামনাৰে একেখন মঞ্চতে ভাগৱত আৰু কোৰাণ পাঠ কৰা হয় । কাৰাবন্দী কৃষক নেতা গৰাকীৰ মুক্তিৰ দাবী মৰিগাঁৱত একেলগে বহিল ভকত বৈষ্ণৱ আৰু মৌলানা । নিদৰ্শন দাঙি ধৰিলে তাহানিৰ শংকৰ-আজানৰ ভাতৃত্ববোধৰ ।
মৰিগাঁৱত ভাগৱত-কোৰাণ পাঠ
প্ৰতিবাদৰ মাজতেই সম্প্ৰীতি ভাতৃত্ববোধৰ নিদৰ্শন দেখা পোৱা গ’ল মৰিগাঁৱত । দীৰ্ঘদিন কাৰাবন্দী হৈ থকা কৃষক মুক্তি সংগ্ৰাম সংগ্ৰাম সমিতিৰ মুখ্য উপদেষ্টা অখিল গগৈ মুক্তিৰ দাবীত ৰাজ্যজুৰি অব্যাহত থকা প্ৰতিবাদৰ মাজতেই সোমবাৰে মৰিগাঁৱৰ জালুগুটিত একেখন মঞ্চত ভাগৱত আৰু কোৰাণ পাঠ কৰা হয় ।