মৰিগাঁৱত পথ দুৰ্ঘটনাত থিতাতে নিহত কিশোৰ

মৰিগাঁৱৰ ভেলৈগুৰিত সংঘটিত শোকাৱহ পথ দুৰ্ঘটনা । তীব্ৰবেগী ইন’ভাৰ খুন্দাত থিতাতে নিহত এজন কিশোৰ ৷ ঘটনাস্থলীত আৰক্ষী উপস্থিত হৈ বাহনখন জব্দ কৰিবলৈ সক্ষম হয় যদিও চালকজন পলাবলৈ সক্ষম হয় ৷

মৰিগাঁও,21 ফেব্ৰুৱাৰীঃ মৰিগাঁৱৰ ভেলৈগুৰিত সংঘটিত শোকাৱহ পথ দুৰ্ঘটনা । তীব্ৰবেগী ইন’ভাৰ খুন্দাত থিতাতে নিহত এজন কিশোৰ ৷ মৃত কিশোৰজন মৈৰাবাৰী থানাৰ অন্তৰ্গত লেঙৰিবড়ী গাঁৱৰ ইদ্দিছ আলীৰ পুত্ৰ জামাৰুল ইছলাম বুলি জানিব পৰা গৈছে ।

ঘটনাৰ বিৱৰণী অনুসৰি,ভেলৌগুৰীৰ পৰা মৈৰাবাৰী অভিমুখে অহা পথত AS-02W-7879 নম্বৰৰ ইন’ভাখনে খুন্দা মৰাত কিশোৰজন গুৰুতৰভাৱে আহত হয়। আহত যুৱকজনক মৈৰাবাৰী প্ৰাথমিক স্বাস্থ্যকেন্দ্ৰত ভৰ্তি কৰোৱা হয় যদিও চিকিৎসকে মৃত ঘোষণা কৰে। ইতিমধ্যে ঘটনাস্থলীত আৰক্ষী উপস্থিত হৈ বাহনখন জব্দ কৰিবলৈ সক্ষম হয় যদিয়ো চালকজন পলাবলৈ সক্ষম হয় ৷

লগতে চাওকঃশিৱৰাত্ৰি উপলক্ষে চক্ৰেশ্বৰ মন্দিৰত ব্যাপক পূজা-অৰ্চনা