কৰ্মসূত্ৰে গোৱালৈ যোৱা মাজুলীৰ দুই যুৱকৰ মৃত্যু

বহিঃৰাজ্যৰ ব্যক্তিগত প্ৰতিষ্ঠানত কাম কৰি পৰিয়ালক দুবেলা-দুমুঠিৰ যোগান ধৰিছিল মাজুলীৰ নাগনচূক গাঁৱৰ দুই যুৱক ক্ৰমে মণ্ডল নৰহ আৰু ৰাজকুমাৰ নৰহে ৷ বহিঃৰাজ্যলৈ গৈ ঘৰলৈ ঘূৰি অহা সম্ভৱ হৈ নুঠিল দুই যুৱকৰ ৷ গোৱাৰ এক ব্যক্তিগত প্ৰতিষ্ঠানত কাম কৰা যুৱক দুজনে মঙলবাৰে এক পথ দুৰ্ঘটনাত পতিত হৈ মৃত্যুক সাৱটি লয় ৷

মাজুলী, 29 জুন : সম্প্ৰতি ৰাজ্যত আছে বহু লক্ষাধিক নিবনুৱা যুৱক-যুৱতী(jobless youth) ৷ ইখনৰ পিছত সিখন চৰকাৰ আহে আৰু যায় ৷ কিন্তু প্ৰতিবাৰে নিবনুৱা সংস্থাপনৰ বিষয়টো কেৱল মাত্ৰ নিৰ্বাচনী ইস্তাহাৰতে সীমাবদ্ধ থাকে ৷ এনে সময়ত বহু নিবনুৱাৰ একমাত্ৰ পথ হৈ পৰে বহিঃৰাজ্যৰ একো একোটা চাকৰি ৷

নিজৰ লগতে পৰিয়ালৰ দায়িত্ব লৈ বহিঃৰাজ্যলৈ কৰ্ম সংস্থাপন(work opportunity in outer state) বিচাৰি ঢাপলি মেলে এনে বহু নিবনুৱাই ৷ একেদৰেই মাজুলীৰ দুই নিবনুৱা যুৱকেও কৰ্ম সংস্থাপন বিচাৰি যাত্ৰা কৰিছিল গোৱালৈ ৷ কিন্তু দুই যুৱক আৰু কেতিয়াও ঘৰলৈ ঘূৰি আহিব নোৱাৰিব ৷

মাজুলীৰ নাগনচূক গাঁৱৰ দুই যুৱক ক্ৰমে মণ্ডল নৰহ আৰু ৰাজকুমাৰ নৰহে পৰিয়ালৰ মুখত হাঁহি বিৰিঙাই দুবেলা-দুসাঁজৰ যোগান ধৰাৰ বাবে যিমান দূৰ সম্ভৱ কষ্ট অব্যাহত ৰাখিছিল ৷ স্বাভাৱিকতে দুয়োৰে এনে প্ৰচেষ্টাত দৰিদ্ৰ পৰিয়াল দুটাই স্বস্তিৰ নিশ্বাস পেলাইছিল ৷ পিছে বিধিৰ বিধান নাযায় খণ্ডন ৷

গোৱাৰ এক ব্যক্তিগত প্ৰতিষ্ঠানত(private organisation in Goa) কাম কৰা যুৱক দুজনে সোমবাৰে এক পথ দুৰ্ঘটনা(road accident)ত পতিত হৈ মৃত্যুক সাৱটি লয় ৷ দুই যুৱকৰ মৃত্যুত এতিয়া আন এক সমস্যাৰ সন্মুখীন হৈছে দুয়োৰে পৰিয়ালৰ লোক ৷ বহিঃৰাজ্যলৈ গৈ নিজ পুত্ৰৰ মৃতদেহ ঘৰলৈ আনিবলৈকো অৰ্থৰ সংকটত পৰিছে দুয়োটা পৰিয়াল ৷

সুদুৰ গোৱাৰ পৰা মাজুলীলৈ মৃতদেহ কঢ়িয়াবলৈ প্ৰয়োজন হ’ব পৰা ধন হাতত নাই পৰিয়াল দুটাৰ ৷ পৰিয়াল দুটাৰ একমাত্ৰ উপাৰ্জনকাৰী পুত্ৰৰ মৃত্যুত দিক-বিদিক হেৰুৱাই পেলোৱাৰ উপক্ৰম হৈছে ৷ দুই যুৱকৰ মৃত্যুৱে অঞ্চলটোত শোকৰ ছাঁ পৰিছে ৷

লগতে পঢ়ক :বোৱাৰী নিৰ্যাতনত অভিযুক্ত শিক্ষক পৰিয়াল