মাজুলী, 25 জানুৱাৰী: মাজুলীৰ দুই লক্ষ জনতাৰ সপোন যোৰহাট-মাজুলী সংযোগী দলং (Majuli Jorhat bridge) । মাজুলীবাসীৰ দীৰ্ঘদিনীয়া দাবী তথা সপোন মাজুলী যোৰহাট সংযোগী দলঙৰ কাম ২০২১ চনৰ ২৯ নৱেম্বৰৰ দিনা ভূমি পূজনৰ জৰিয়তে খুঁটা পোতাৰ কাম আৰম্ভ হৈছিল । দলংখনৰ নিৰ্মাণৰ দায়িত্ব দিয়া হৈছে U.P. State Bridge Corporation Limited নামৰ প্ৰতিষ্ঠানটোক ৷ ৯২৫ কোটি টকাৰে নিৰ্মাণ হ’বলগীয়া এই দলঙৰ দৈৰ্ঘ্য হৈছে ৮.২৫ কিলোমিটাৰ ।
দলংখনৰ কাম আৰম্ভ হোৱাৰ পাছতেই খুটাৰ বিসংগতিৰ বাবে প্ৰায় ৫ মাহ ধৰি বন্ধ হৈ আছিল দলংখনৰ নিৰ্মাণৰ কাম । প্ৰায় ৫ মাহ ধৰি বন্ধ হৈ থকা দলংখনৰ কাম পুনৰ নৱেম্বৰ মাহৰ পৰা আৰম্ভ হৈছিল । বিজেপি চৰকাৰ তথা ৰাজ্যৰ মুখ্যমন্ত্ৰী হিমন্ত বিশ্ব শৰ্মাই মাজুলীৰ জনতাক দলং খনৰ নিৰ্মাণৰ ওপৰত যি প্ৰতিশ্ৰুতি দিছিল সেইমতেই দলং খনৰ নিৰ্মাণৰ কাম সম্পূৰ্ণ হোৱাটো বিচাৰিছিল মাজুলীৰ জনতাই ৷ কিন্তু এই দলংখন নিৰ্মাণ পূৰ্বেই সংঘটিত বিভিন্ন ঘটনাই যেন কালিকা লগাইছে দলংখন নিৰ্মাণৰ কামত ৷
লগতে পঢ়ক:Bangla MCP card in Majuli: মাজুলীত চৰকাৰী কাৰ্যালয়ত বঙালী ভাষাৰ প্ৰচলন
এইবাৰ আকৌ দলংখনৰ নিৰ্মাণৰ সামগ্ৰীৰ ওপৰত চকু পৰিছে চোৰৰ (Theft materials construction of Majuli bridge) ৷ মাজুলী যোৰহাট সংযোগী দলং নিৰ্মাণকাৰী প্ৰতিষ্ঠানটোৱে কিছুদিন পূৰ্বে বনগাঁও আৰক্ষী চকীত দলং নিৰ্মাণৰ সামগ্ৰী চুৰি হোৱা বুলি এক গোচৰ ৰুজু কৰিছিল ৷ তাৰ পিছতেই বনগাঁও আৰক্ষীয়ে চোৰৰ সন্ধানত অব্যাহত ৰাখিছিল অভিযান ৷
মঙলবাৰে নিশা দলঙৰ সামগ্ৰী চুৰিৰ লগত জড়িত চাৰিটা চোৰক আটক কৰে বনগাঁও আৰক্ষীয়ে (Thieves arrested in Majuli) ৷ চাৰি চোৰৰ ভিতৰৰে এটা নাবালকো আছিল বুলি জানিব পৰা গৈছে । ইফালে দুদিন পূৰ্বে বিহুৱা দাস নামৰ আন এজনকো কৰায়ত্ত কৰিছিল আৰক্ষীয়ে । আটকাধীন চোৰকেইটা ক্ৰমে শান্তি দাস, কোষ দাস আৰু নিপন দাস ৷ আটাইকেইটাৰ ঘৰ মাজুলীৰ দক্ষিণপাটৰ কৈৱৎ গাঁৱত বুলি জানিব পৰা গৈছে ।
ইতিমধ্যেই আটকাধীন চোৰকেইটাই দলঙৰ সামগ্ৰী চুৰি কৰাৰ কথা আৰক্ষীৰ সন্মুখত স্বীকাৰ কৰা বুলি জানিবলৈ দিয়ে আৰক্ষীয়ে ৷ চোৰৰ দলটোৰ পৰা কিছু চুৰি সামগ্ৰীও উদ্ধাৰ হৈছে বুলি জানিবলৈ দিয়ে বনগাঁও আৰক্ষী চকীৰ ভাৰপ্ৰাপ্ত আৰক্ষী বিষয়াগৰাকীয়ে ৷
লগতে পঢ়ক:Majuli Jorhat bridge: মাজুলী-যোৰহাট সংযোগী দলং নিৰ্মাণৰ কাম পৰিদৰ্শন সাংসদ প্ৰদান বৰুৱাৰ
