মিঞা মিউজিয়াম প্ৰসংগঃ শ্রীশ্রী নৰসিংহ সত্রৰ ডেকা সত্ৰীয়াৰ প্রতিক্রিয়া

কংগ্ৰেছী বিধায়ক শ্বেৰমান আলিয়ে শংকৰদেৱ কলাক্ষেত্রত মিঞা মিউজিয়াম হ'ব লাগে কোৱা মন্তব্যৰ বিৰুদ্ধে প্রতিক্রিয়া প্ৰকাশ কৰিলে শ্রী শ্রী নৰসিংহ সত্রৰ ডেকা সত্ৰীয়া গৰাকীয়েও ৷

মাজুলী, 27 অক্টোবৰঃশ্ৰ্ৰীমন্ত শংকৰদেৱ কলাক্ষেত্ৰত কংগ্ৰেছৰ বিধায়ক শ্বেৰমান আলী আহমেদে "মিঞা সংগ্ৰহালয়" স্থাপনৰ দাবীক লৈ ৰাজ্যবাসী জাঙুৰ খাই উঠাৰ লগতে সকলোৱা দিছে তীব্ৰ গৰিহণা ৷ কেউদিশে বিতৰ্কৰ সৃষ্টি কৰা বিধায়ক শ্বেৰমান আলী আহমেদৰ এই বিতৰ্কিত মন্তব্যক লৈ ৰাজ্যৰ সকলো স্তৰৰ লোকে কৰিছে প্ৰতিক্ৰিয়া ৷ বিতৰ্কিত এই মন্তব্যক লৈ প্ৰতিক্ৰিয়া ব্যক্ত কৰিলে মাজুলীৰ শ্রীশ্রী এলেঙী নৰসিংহ সত্রৰ ডেকা সত্ৰীয়া গৰাকীয়েও ৷

শ্ৰী শ্ৰী এলেঙী নৰসিংহ সত্ৰৰ ডেকা সত্ৰীয়া গৰাকীয়ে কয় যে, শ্বেৰমান আলিৰ এই মন্তৱ্য অতি দুৰ্ভাগ্য জনক । লগতে ডেকা সত্ৰীয়া গৰাকীয়ে উল্লেখ কৰিলে, শ্ৰীমন্ত শংকৰদেৱ কলাক্ষেত্র অসমীয়াৰ আবেগ, অসমীয়াৰ স্বাভিমান ; গতিকে তাত ''মিঞা মিউজিয়াম'' হ'ব লাগে বুলি কোনো প্রশ্নই উঠিব নালাগে । অসমৰ সকলো দল সংগঠনক একত্ৰিত হৈ এনে বিতৰ্কিত প্ৰস্তাৱৰ বিৰুধীতা কৰিবলৈকো আহ্বান জনালে ডেকা সত্ৰীয়া গৰাকীয়ে ৷

লগতে পঢ়ক- মিঞা সংগ্ৰহালয় প্ৰসংগত মুখ খুলিছে দেৱব্ৰত শইকীয়াই