মাজুলী,২০ অক্টোবৰ : মাজুলীৰউত্তৰ কমলাবাৰী সত্ৰৰ এক গুৰুত্বপূৰ্ণ পদক্ষেপ । সীমাৰ পৰিধি ভাঙি সত্ৰীয়া সংস্কৃতিৰ প্ৰচাৰ আৰু প্ৰসাৰৰ ধাৰা অব্যাহত ৰাখিছেউত্তৰ কমলাবাৰী সত্ৰই (North Kamalabari Satra artist performed drama)। সত্ৰৰ পৰা যোৱা এটা শিল্পীৰ দলে মধ্য প্ৰদেশৰ ভূপালত পৰিৱেশন কৰিলে মহাপুৰুষ শ্ৰীমন্ত শংকৰদেৱৰ অমৰ সৃষ্টি 'ৰাম বিজয়' নাটক (Ram Vijay drama performed in Bhopal)। ভূপালৰ ৰবীন্দ্ৰ ভৱনত পৰিৱেশন কৰা ৰাম বিজয় নাটক শ শ দৰ্শকে উপভোগ কৰি অভিভূত হৈ পৰে ।
উল্লেখ্য যে ভূপালত মধ্য প্ৰদেশ চৰকাৰ সাংস্কৃতিক বিভাগৰ সহযোগত জনজাতীয় লোক কলা বিকাশ একাডেমীত সাংস্কৃতিক পৰিষদৰ উদ্যোগত ৭ দিনীয়াকৈ অনুষ্ঠিত হৈছে 'আন্তঃৰাষ্ট্ৰীয় শ্ৰীৰামলীলা উৎসৱ' (International Shri Ram Leela festival 2022)। উক্ত মহোৎসৱত সুদূৰ থাইলেণ্ড, ইণ্ডোনেছিয়া, আৰৱ, শ্ৰীলংকা, ফিজী, মালেছিয়াৰ লগতে ভাৰতৰ কৰ্ণাটক, ওড়িশা আৰু অসমৰ প্ৰতিনিধিসকলে অংশগ্ৰহণ কৰিছে ।মধ্য প্ৰদেশ চৰকাৰ সাংস্কৃতিক বিভাগৰ আমন্ত্ৰণ মৰ্মে ২২ জনীয়া বৈষ্ণৱ শিল্পী দলেও মহোৎসৱত অংশগ্ৰহণ কৰিছে (Assam artist participate in Ram Leela Festival)।