মাজুলী, ১৭ আগষ্ট:ঐতিহাসিক দক্ষিণপাট সত্ৰৰ(Dakshinpat Satra)জ্যেষ্ঠ বৈষ্ণৱ সাগৰ বৰবায়নৰ বুধবাৰে মৃত্যু হয়(Vaishnava Sagar Barbayan passes away)। মাজুলীৰ দক্ষিণপাট কলিতা গাঁৱত জন্ম গ্ৰহণ কৰা জেষ্ঠ বৈষ্ণৱ গৰাকীৰ মৃত্যুৰ সময়ত বয়স হৈছিল ৯৩ বছৰ । দীৰ্ঘদিন ধৰি অসুস্থতাত ভুগি আছিল বৈষ্ণৱগৰাকী । সৰুৰে পৰাই তেওঁ সত্ৰীয়া সংস্কৃতিৰে জড়িত আছিল । এইগৰাকী বৈষ্ণৱে ৬ বছৰ বয়সৰ পৰাই সত্ৰখনৰ সৈতে জড়িত হৈ পৰে । অসম চৰকাৰৰ শিল্পী পেঞ্চন লাভ কৰা জ্যেষ্ঠ বৈষ্ণৱগৰাকীৰ মৃত্যত ঐতিহাসিক সত্ৰখনত শোকৰ ছাঁ পৰিছে ।
উল্লেখ্য় যে দক্ষিণপাট সত্ৰৰ প্ৰায়বোৰ কাম-কাজত আগভাগ লৈ আহিছিল জেষ্ঠ বৈষ্ণৱগৰাকীয়ে।