নিত্য ব্যৱহাৰ্য সামগ্ৰীৰ মূল্যবৃদ্ধিয়ে ৰঙালীৰ বজাৰলৈ আনিছে কঙালী

নিত্য ব্যৱহাৰ্য খাদ্য সামগ্ৰীৰ পৰা আৰম্ভ কৰি ৰন্ধন গেছ আৰু ঔষধ তথা নিৰ্মাণ কাৰ্যত ব্যৱহৃত সামগ্ৰীকে ধৰি সমকলোতে এতিয়া মূল্যবৃদ্ধি (Rising prices of daily uses products)৷ ফলত পানীত হাঁহ নচৰা অৱস্থা হৈছে সৰ্বসাধাৰণ ৰাইজৰ ।

মাজুলী, 29 মাৰ্চ :ক’ভিড-সৃষ্ট পৰিস্থিতিয়ে সাধাৰণ জনতাৰ অর্থনৈতিক ভেঁটি থান-বান কৰি তুলাৰ পাছতে এতিয়া মাত্ৰাধিক হাৰত খাদ্যকে ধৰি নিত্য ব্যৱহার্য সামগ্ৰীৰ দাম বৃদ্ধি হোৱাত সাধাৰণ মানুহৰ জীৱন-যাপনৰ সামগ্ৰীক ব্যৱস্থাটোক কোঙা কৰি পেলাইছে ৷ ৰেচন, পাচলি, ইন্ধনজাত সামগ্ৰী আদি সকলোতেই দাম বৃদ্ধি হৈছে (Rising prices of daily uses products) ৷ ফলত পানীত হাঁহ নচৰা অৱস্থা হৈছে সৰ্বসাধাৰণ ৰাইজৰ ।

ক’ভিড-সৃষ্ট পৰিস্থিতি নিয়ন্ত্ৰণ হোৱাত এইবাৰ অতি উচাহ উদ্দিপনাৰে অসমীয়াৰ ৰঙালী বিহুটো পাতিবলৈ ৰাইজ সাজু হোৱা পৰিলক্ষিত হৈছিল ৷ কিয়নো ক’ভিডৰ বাবে বিগত দুটাকৈ বর্ষত বিহুকে আদি কৰি অন্যান্য উৎসৱ পালন কৰাৰ ক্ষেত্ৰত আহি পৰিছিল বিভিন্ন বাধা ৷

সেয়েহে এইবাৰ স্বাভাৱিকতে ৰাইজ বিহুক লৈ অধিক উৎসাহিত হৈছে ৷ কিন্তু অকস্মাৎ মাত্ৰাধিক হাৰত বৃদ্ধি পোৱা সামগ্ৰীৰ মূল্যই জনতাৰ এই উছাহ যেন ম্লান কৰি পেলোৱা পৰিলক্ষিত হৈছে (Kangali on Rangali Bihu market) ৷

নিত্য ব্যৱহাৰ্য সামগ্ৰীকে ধৰি বজাৰৰ প্ৰতিবিধ সামগ্ৰীৰে বাঢ়িছে মূল্য ৷ এক কথাত বজাৰত এতিয়া জুই জ্বলিছে ৷ ইপিনে মূল্য বৃদ্ধিৰ সুযোগ লৈছে এচাম অসাধু ব্যৱসায়ীয়ে । ইফালে বজাৰত অত্যাৱশ্যকীয় সামগ্ৰীৰ মূল্য নিয়ন্ত্ৰণত ব্যৰ্থ হৈছে চৰকাৰখন ।

লগতে পঢ়ক :Assam Meghalaya border dispute : গৃহমন্ত্ৰী অমিত শ্বাহৰে দিল্লীত উচ্চস্তৰীয় বৈঠক