মাজুলী, 24 জানুৱাৰীঃশুকুৰবাৰে অসম ভাওনা সমাৰোহত উপস্থিত হয় অসম প্ৰদেশ কংগ্ৰেছৰ সভাপতি ৰিপুন বৰা আৰু উত্তৰা খণ্ডৰ প্ৰাক্তন মুখ্যমন্ত্ৰী হৰিষ ৰাৱাটৰ উপৰিও আলোচনাপন্থী আলফা নেতা জিতেন দত্ত ৷ এই অনুষ্ঠানত উপস্থিত হৈ পৰ্যবেক্ষক গৰাকীয়ে ৰাজ্যসভাত মহাৰাষ্ট্ৰৰ সাংসদে মাজুলীক লৈ কৰা মন্তব্যৰ প্ৰতিক্ৰিয়া প্ৰকাশ কৰাৰ লগতে নাগৰিকত্ব সংশোধনী আইন 2019 বলবৎ হোৱা লৈ প্ৰতিক্ৰিয়া প্ৰকাশ কৰিছে ।
ইপিনে শুকুৰবাৰে বিজেপিৰ সংকল্প সমাৰোহত হিমন্ত বিশ্ব শৰ্মা কৰা মন্তব্য কৰিছিল ‘‘নগাঁও, মৰিগাঁৱৰ আধা গ'ল 'বাংলাদেশী'ৰ হাতলৈ, ধুবুৰী-গোৱালপাৰা, কৰিমগঞ্জ, হাইলাকান্দিও 'বাংলাদেশী'ৰ হাতলৈ গ'ল, বোকাখাতৰ দুৱাৰডলিত 'বাংলাদেশী' উপস্থিত হৈছে হি’’ ৷ বোকাখাতৰ সংকল্প সমাৰোহত হিমন্ত বিশ্বৰ এই মন্তব্যক লৈও তীব্ৰ প্ৰতিক্ৰিয়া প্ৰকাশ কৰে অসম প্ৰদেশ কংগ্ৰেছৰ সভাপতি ৰিপুন বৰাই ।
শ্ৰীশ্ৰী আউনী আটী সত্ৰত 19 জানুৱাৰীৰ পৰা আৰম্ভ হোৱা ভাওনা সমাৰোহৰ আজি অনুষ্ঠানত উপস্থিত আছিল আলোচনা পন্থী আলফা নেতা জিতেন দত্ত । জিতেন দত্তই ডঃ হিমন্ত বিশ্ব শৰ্মাই বোকাখাতৰ সংকল্প সমাৰোহত হিমন্ত বিশ্বই কৰা মন্তব্য প্ৰতিক্ৰিয়া প্ৰকাশ কৰাৰ লগতে সাংবাদিক উৎপল বৰাৰ বিৰুদ্ধে যি ৰাষ্ট্ৰদ্ৰোহৰ গোছৰ ৰুজু কৰিছে সেই গোচৰৰ পৰা মুক্তি দিবলৈ অসম চৰকাৰৰক দাবী জনায় ৷ লগতে নাগৰিকত্ব আইন আৰু কাৰাবন্দী অখিল গগৈ সম্পৰ্কেও প্ৰতিক্ৰিয়া প্ৰকাশ কৰে দত্তই ।