মাজুলী, 5 নৱেম্বৰ :ৰাস বুলি ক’লেই সততে মনলৈ আহে মাজুলীৰ প্ৰতিচ্ছবিখন ৷ মাজুলীৰ সৈতে ৰাসৰ আছে এক এৰাব নোৱাৰা গভীৰ সম্পৰ্ক ৷ ৰাসৰ সময়ত দ্বিতীয় বৃন্দাবনলৈ পৰ্যবেসিত হয় সত্ৰ নগৰী মাজুলীৰ পৰিৱেশ । কৃষ্ণৰ লীলা বন্দনাত মুখৰিত হয় মাজুলীৰ চৌপাশ ৷
মুঠৰ ওপৰত অতিজৰে পৰাই মাজুলী আৰু ৰাস পৰস্পৰে পৰস্পৰৰ লগত জড়িত হৈ আছে । উল্লেখ্য যে, মাজুলীৰ ১৪ খন ঐতিহাসিক সত্ৰৰ উপৰিও ৫৫ টাকৈ স্থানত উদযাপন কৰা হয় এই ৰাস মহোৎসৱ । বাৰিষা বানে জুৰুলা কৰা পাচত শৰৎ কালৰ এই মধুৰ সময় খিনিত সকলো দুখ বেদনা একাষৰীয়া কৰি মাজুলীৰ প্ৰতিজন লোক ব্যস্ত হৈ পৰে মাজুলীৰ গৌৰৱ ৰাস মহোৎসৱৰ প্ৰস্তুতিত ৷
সত্র নগৰী মাজুলীত ৰাস মহোৎসৱৰ প্ৰস্তুতি
যিহেতু মাজত মাথো কেইটামান দিন সেয়েহে সত্ৰকে আদি কৰি বিভিন্ন ৰংগমঞ্চত আৰম্ভ হৈছে ৰাসৰ আখৰা ।