মাজুলী,26 মে’ : কিমান নিষ্ঠুৰ হ'লে নিজৰ সন্তানক এৰি থৈ যাব পাৰে এগৰাকী পিতৃয়ে, সেই কথা খুলি নকলেও সকলোৰে অনুমেয় । মাজুলীৰ এই গৰাকী ৰাণু বৰাক দুই কন্যা সন্তানৰ সৈতে অথায় সাগৰত পেলাই থৈ স্বামীয়ে কেইবাবছৰৰ আগত ঘৰ এৰি গুচি যায় । মাজুলীৰ এগৰাকী অসহায় মহিলাক এতিয়া প্ৰয়োজন হৈছে অকণমান সহায়ৰ ৷ কেইবছৰমান পূৰ্বে ৰাণু বৰা নামৰ মহিলাগৰাকীক দুই কন্যা সন্তানৰ সৈতে অথায় সাগৰত পেলাই থৈ ঘৰ এৰি গুচি গৈছিল স্বামীয়ে ৷
মাজুলীৰ দুখীয়া মাতৃক সহায়ৰ প্ৰয়োজন লোকৰ ঘৰত কাম কৰি কৰি দুই সন্তানৰ সৈতে সংসাৰ চলাই নিয়াৰ সময়তে দুৰ্ভাগ্যবশতঃ চকুৰে নেদেখা হ’ল মহিলাগৰাকীয়ে । নিৰুপায় হৈ ভনীয়েকৰ আশ্ৰয়ত থাকি হাৰ মানিব নিবিচৰা এইগৰাকী মহিলাই দুই কন্যা সন্তানক শিক্ষিত কৰাৰ হেঁপাহ পুহি ৰাখিছে ৷ নিজৰ সন্তানৰ যাতে তেওঁৰ দৰে অৱস্থা নহয়, তাৰ বাবে দুয়োকে স্বাৱলম্বী কৰি তুলিব বিচাৰিছে ৰাণুৱে । সেয়েহে সন্তান দুটাক জীৱন-নিৰ্বাহৰ পথ দেখুৱাবলৈ চৰকাৰ তথা জনপ্ৰতিনিধিক আহ্বান জনাইছে দুৰ্ভগীয়া মহিলাগৰাকীৰ লগতে গাঁওবাসীয়ে ৷
লগতে পঢ়ক :প্ৰকৃত কৃষকৰ পৰিৱৰ্তে ভুৱা কৃষকৰ হাতলৈ আঁচনিৰ ধন
