মাজুলী, 27 ছেপ্টেম্বৰ : সত্ৰনগৰী মাজুলীবাসীৰ লগতে মাজুলীৰ পৰ্যটক সকলৰ বাবে এটা ভাল খবৰ ৷ যোৰহাট-মাজুলীৰ ফেৰী যাত্ৰী সকলে এতিয়াৰ পৰা লাভ কৰিব ই টিকেটিং ব্যৱস্থা ৷ সোমাবাৰে খানাপাৰা ষ্টাফ কলেজত আয়োজিত এক অনুষ্ঠানত মুখ্যমন্ত্ৰী ড৹ হিমন্ত বিশ্ব শৰ্মাই আনুষ্ঠানিকভাৱে মুকলি কৰিলে যোৰহাট-মাজুলীৰ ফেৰী সেৱাৰ অনলাইন টিকেটিং ব্যৱস্থা ৷
এই ব্যৱস্থা যোগেদি এতিয়াৰ পাৰ ফেৰী যাত্ৰী সকলে অনলাইন যোগে বুকিং কৰিব পাৰিব টিকট ৷ ৱেবচাইট http://asiwt.in/ অথবা এপৰ জৰিয়তে যোৰহাট-মাজুলীৰ ফেৰী যাত্ৰী সকলে লাভ কৰিব অনলাইন টিকট ৷ যাত্ৰী সকলে পাৰাপাৰ হ'বলৈ টিকটৰ বাবে যি হাৰাশাস্তিৰ সন্মুখীন হৈছিল সেইয়া কিছু পৰিমাণে হ'লেও এই ব্যৱস্থাই লাঘৱ কৰিব বুলি আশা প্ৰকাশ কৰিছে মাজুলীবাসীয়ে ৷
লগতে পঢ়ক:আনুষ্ঠানিকভাৱে ৰাজ্যসভালৈ নিৰ্বাচিত সৰ্বানন্দ সোণোৱাল