মাজুলী, 23 জুন: 1952 চনতে প্ৰতিষ্ঠা হোৱা দক্ষিণপাট ৰাজ্যিক চিকিৎসালয়খন বৃহত্তৰ দক্ষিণপাট অঞ্চলৰ একমাত্ৰ মানৱ সেৱা প্ৰতিষ্ঠান (Dakhinpat State Dispensary in Majuli) ৷ পিছে এইপৰ্যন্ত চিকিৎসালয়খনত চিকিৎসকৰ অভাৱত প্ৰায় 15 খনতকৈ অধিক গাঁৱৰ দহ হাজাৰোধিক লোকৰ মাজত সম্প্ৰতি হাহাকৰসৃদশ পৰিৱেশৰ সৃষ্টি হৈছে ৷
কিছুদিন পূৰ্বে সুৰভি ঠাকুৰীয়া নামৰ এগৰাকী চিকিৎসকক নিযুক্তি দিয়া হৈছিল যদিও বিগত 14 জুনৰ পৰা এই মহিলা চিকিৎসকগৰাকী অন্তৰ্ধান হোৱাত অঞ্চলকেইটাৰ ৰোগীসকলে যমৰ যাতনা ভুগিব লগা হৈছে ৷ ইফালে অঞ্চলটোত বানৰ পৰিস্থিতি কিছু উন্নত হোৱাৰ ফলত অঞ্চলকেইটাৰ লোকসকল বিভিন্ন বেমাৰত আক্ৰান্ত হৈছে ৷ এনে সময়ত চিকিৎসালয়খনৰ একমাত্ৰ চিকিৎসকগৰাকী নাইকিয়া হোৱাত সকলোকে চিন্তিত কৰি তুলিছে (No doctors to treat patients in flood-ravaged Majuli) ৷
মাজুলীত বান বিধস্ত অঞ্চলত চিকিৎসাৰ বাবে নাই চিকিৎসক