মাজুলীত চাঞ্চল্যকৰ ঘটনাঃ অবৈধ মাতৃত্বৰ বোজা ঢাকিবলৈ গৈ কৰুণ মৃত্যু কিশোৰীৰ

অবৈধ প্ৰেমৰ পৰিণতিত অন্তঃসত্বা কিশোৰী গৰাকীক আজি পুৱাৰ ভাগতে গোপনে পৰিয়ালৰ পৰা লুকুৱাই নিজ মাতৃয়ে মোমায়েকৰ ঘৰৰ বাথৰূমত চিকিৎসক অবিহনেই গৰ্ভপাত কৰোৱায় ৷ ফলত প্ৰায় 8 মাহ গৰ্ভস্থ কিশোৰী গৰাকীয়ে জন্ম দিয়ে এটি মৃত নৱজাতক ৷ তাৰ পিছৰে পৰাই কিশোৰীগৰাকীৰ অৱস্থা অতি সংকটজনক হৈ পৰাত লৈ অনা হয় কমলাবাৰী চিকিৎসালয়লৈ ৷ কিন্তু চিকিৎসালয়তে মৃত্যুক সাবতি লয় কিশোৰী গৰাকীয়ে

মাজুলী, 28 ছেপ্টেম্বৰঃ মাজুলীত সংঘটিত হৈছে এক ভয়ংকৰ ঘটনা | যি ঘটনাই সমগ্ৰ মাজুলীত সৃষ্টি কৰিছে তীব্ৰ চাঞ্চল্যৰ | অবৈধ মাতৃত্বৰ বোজা ঢাকিবলৈ গৈ কৰুণ মৃত্যুক সাৱতিব লগা হ'ল নৱজাতকসহ কিশোৰী মাতৃয়ে ৷ অবৈধ প্ৰেমৰ পৰিণতিত অন্তঃসত্বা কিশোৰী গৰাকীক আজি পুৱাৰ ভাগতে গোপনে পৰিয়ালৰ পৰা লুকুৱাই নিজ মাতৃয়ে মোমায়েকৰ ঘৰৰ বাথৰূমত চিকিৎসক অবিহনেই গৰ্ভপাত কৰোৱায় ৷ ফলত প্ৰায় 8 মাহ অন্তঃসত্বা কিশোৰী গৰাকীয়ে জন্ম দিয়ে এটি মৃত নৱজাতক ৷ তাৰ পিছৰে পৰাই কিশোৰীগৰাকীৰ অৱস্থা অতি সংকটজনক হৈ পৰাত লৈ অনা হয় কমলাবাৰী চিকিৎসলয়লৈ ৷ কিন্তু চিকিৎসলয়তে মৃত্যুক সাবতি লয় কিশোৰী গৰাকীয়ে ৷

গাৰ নোম শিয়ৰি যোৱা এই ঘটনাই জোকাৰি গৈছে সচেতন মহলক ৷ এতিয়া প্ৰশ্ন হয় কাৰ ভুলৰ বাবে এজনি কিশোৰীয়ে অবৈধ মাতৃত্বৰ বোজা কঢ়িয়াই সাবতিব লগা হ'ল মৃত্যুক ৷ ইয়াৰ বাবে প্ৰকৃতাৰ্থত দায়ী কোন ?