মাজুলী, ২০ অক্টোবৰ : বিতৰ্কিত সত্ৰীয়া জনাৰ্দ্দন দেৱগোস্বামীক কঠোৰ সকীয়নি সত্ৰ মহাসভা মাজুলী জিলা সমিতিৰ (Majuli Satra Mahasabha warns Janarddan Goswami) । জনাৰ্দ্দন দেৱগোস্বামীয়ে ৪৮ ঘণ্টাৰ ভিতৰত ৰাজহুৱাকৈ ক্ষমা খোজাৰ দাবী । অন্যথা আইনী ব্যৱস্থা লোৱাৰ হুংকাৰ সত্ৰ মহাসভাৰ ।
আনহাতে, ৪৮ ঘণ্টাৰ ভিতৰত ক্ষমা নুখুজিলে সামাজিকভাৱে বৰ্জনৰ সিদ্ধান্তও গ্রহণ কৰা হয় । লগতে ভৱিষ্যতে এনে কাৰ্যৰ পৰা সকলোকে বিৰত থাকিবলৈ কঠোৰ সকীয়নি প্ৰদান কৰে । উল্লেখ্য, আজি সত্ৰ মহাসভাই এই উপলক্ষে আহ্বান কৰা সভাত মাজুলীৰ সাধাৰণ নাগৰিক, দল-সংগঠনে অংশগ্রহণ কৰি উক্ত সিদ্ধান্তৰ সহমত পোষণ কৰে । লগতে ভৱিষ্যতে এই ক্ষেত্ৰত সহযোগিতা আগবঢ়োৱাৰো সিদ্ধান্ত লয় ।
উল্লেখ্য, শেহতীয়া সময়ছোৱাত ইটোৰ পাছত সিটো বিতৰ্কিত মন্তব্য আগবঢ়াই আহিছে দক্ষিণপাট গৃহশ্ৰমী সত্ৰৰ (Dakhinpat Satra Majuli) সত্ৰাধিকাৰ জনাৰ্দ্দন দেৱগোস্বামীয়ে । প্ৰথমে মাজুলীত দুৰ্গাপূজা অনুষ্ঠিত কৰিব লাগে বুলি দক্ষিণপাট গৃহশ্ৰমী সত্ৰৰ সত্ৰাধিকাৰ জনাৰ্দ্দন দেৱগোস্বামীয়ে (Satradhikar Janardan Deva Goswami) মন্তব্য কৰাৰ পাছত সত্ৰাধিকাৰজনৰ বিৰুদ্ধে জাঙুৰ খাই উঠে ৰাজ্যবাসী ৷