সাংস্কৃতিক বিশ্ববিদ্যালয়ৰ উপাচাৰ্যৰ দায়িত্ব লৈ মাজুলীত উপস্থিত ডম্বৰুধৰ নাথ

বহু প্ৰত্যাশিত ৰাজ্যৰ সাংস্কৃতিক বিশ্ববিদ্যালয়ৰ উপাচাৰ্যৰ দায়িত্ব গ্ৰহণ কৰি প্ৰথমবাৰৰ বাবে মাজুলীত উপস্থিত হয় বিশিষ্ট শিক্ষাবিদ ডঃ ডম্বৰুধৰ নাথ ৷ সোমবাৰে মাজুলীবাসীয়ে কমলাবাৰী ঘাটৰ পৰা শোভাযাত্ৰা কৰি আদৰি আনে শিক্ষাবিদ নাথক

মাজুলী,10 জুনঃ বহুপ্ৰত্যাশিত মাজুলী সাংস্কৃতিক বিশ্ববিদ্যালয়ৰ উপাচাৰ্যৰ দায়িত্বভাৰ গ্ৰহণ কৰি নদীদ্বীপটোত উপস্থিত হয় শিক্ষাবিদ ডঃ ডম্বৰুধৰ নাথ ৷ কমলাবাৰী ফেৰী ঘাটত মাজুলীবাসীয়ে নাথক উষ্ম আদৰণি জনায় ৷

অধিক খবৰৰ বাবে পঢ়কঃ সদৌ অসম ছাত্ৰ সন্থাৰ ছাত্ৰ সংহতি দিৱস বৰ্জন শ্বহীদ গজেন ইংতিৰ পৰিয়ালৰ

মাজুলীত উপস্থিত হৈয়ে নিজৰ শিক্ষাগুৰুক স্মৰণ কৰি আবেগবিহ্বল হৈ পৰে ডঃ নাথ ৷ আজি দিনৰ ভাগতে বহুপ্ৰত্যাশিত সাংস্কৃতিক বিশ্ববিদ্যালয়ৰ প্ৰশাসনিক আৰু শৈক্ষিক কাম-কাজ আনুষ্ঠানিকভাৱে আৰম্ভণী কৰিব ডঃ ডম্বৰুধৰ নাথে ৷

উপাচাৰ্যগৰাকীক আজি পুৱা ১০.২০ বজাত কমলাবাৰী ঘাটত মাজুলীবাসীয়ে উষ্ম আদৰণি জনায় ৷ মাজুলীৰ বিভিন্ন দল-সংগঠন, বিভিন্ন শিক্ষানুষ্ঠানৰ মুৰব্বী তথা মাজুলীৰ স্থানীয় জনতাই আদৰি আনে শিক্ষাবিদ ডঃ ডম্বৰুধৰ নাথক ৷ পৰৱৰ্তী সময়ত ডঃ নাথে মাজুলী মহাবিদ্যালয় আৰু গড়মূৰ উচ্চ মাধ্যমিক বিদ্যালয়ত উপস্থিত হয়। আনহাতে আজি দিনৰ ভাগত আৱৰ্ত ভৱনত এখন সংবাদ মেলৰো আয়োজন কৰিছে ডঃ ডম্বৰুধৰ নাথে ৷