মাজুলী, ১৪ আগষ্ট :অসমত এতিয়া উপ নিৰ্বাচনক লৈ (By election) তৎপৰতা বাঢ়িছে । উপ নিৰ্বাচনৰ অন্যতম সমষ্টি মাজুলীতো দেখা গৈছে নিৰ্বাচনৰ প্ৰস্তুতি । পিছে মাজুলীত সৰ্বানন্দ সোণোৱালৰ (Sarbananda Sonowal) উত্তৰসূৰী কোন হ'ব ? তাক লৈ এতিয়া সমষ্টিটোত ব্যাপক চৰ্চা চলিছে । ৰাজনৈতিক দলসমূহৰ মাজতো তৎপৰতা বৃদ্ধি পাইছে ।
ইয়াৰ মাজতে মাজুলীৰ প্ৰায় ৫০ গৰাকী জ্যেষ্ঠ নাগৰিক একগোট হ'ল । আগন্তুক নিৰ্বাচনৰ প্ৰতি লক্ষ্য ৰাখি কেইবাটাও প্ৰস্তাৱ গ্ৰহণ কৰাৰ উদ্দেশ্যে বিশেষ সভাত মিলিত হয় জ্যেষ্ঠ নাগৰিকসকল । মাজুলীৰ ২০ টা পঞ্চায়তৰ জ্যেষ্ঠ নাগৰিকৰে গঠিত জাগৰণ মঞ্চৰ (Jagaran Manch) উদ্যোগত আয়োজন কৰা হয় বিশেষ সভাখন ।
মাজুলীৰ উপ-নিৰ্বাচনক লৈ জ্যেষ্ঠ নাগৰিকৰ বিশেষ আহ্বান
এই সভাখনত উপস্থিত থকা জ্যেষ্ঠ নাগৰিকসকল হৈছে শিক্ষক, অৱসৰপ্ৰাপ্ত চৰকাৰী বিষয়া, সমাজকৰ্মী, ব্যৱসায়ী আদি । সভাৰ জৰিয়তে কেইবাটাও দাবী তোলে জ্যেষ্ঠ নাগৰিকসকলে ।