মাইকযোগে ঘোষণাৰে সজাগতাৰ চেষ্টা মাজুলী প্ৰশাসনৰ

মাজুলীবাসীক কৰ’ণাৰ প্ৰতি সজাগতা সৃষ্টিৰ প্ৰয়াস প্ৰশাসনৰ ৷ জিলাখনৰ ভিতৰুৱা গাঁৱসমূহত মাইকেৰে ঘোষণা কৰি ৰাইজক সজাগ কৰিছে প্ৰশাসনে ৷

মাজুলী,24 এপ্ৰিল:সমগ্ৰ ভাৰতৰ লগতে অসমতো কৰ’ণাই ত্ৰাসৰ সৃষ্টি কৰিছে ৷ অন্যান্য জিলাৰ দৰে মাজুলীৰ জিলা প্ৰশাসনেও কৰ’ণাৰ পৰা জিলাখনক ৰক্ষা কৰিবলৈ বিভিন্ন চেষ্টা অব্যাহত ৰাখিছে ৷ মাজুলীৰ প্ৰতিখন ব্যৱসায়িক প্ৰতিষ্ঠানৰ লগতে ভিতৰুৱা গাঁৱসমূহলৈ প্ৰশাসনৰ লোক গৈ সজাগতামূলক কাৰ্যসূচী ৰূপায়ণ কৰিছে ।

মাজুলীৰ বিভিন্ন স্থানত প্ৰশাসনৰ নিৰ্দেশমৰ্মে ভ্ৰাম্যমান সজাগতা অনুষ্ঠান অনুষ্ঠিত কৰা পৰিলক্ষিত হয় । মাইকৰ জৰিয়তে জন সাধাৰণক উদ্দেশ্যি কৰ’ণা ভাইৰাছৰ সময়ত কিদৰে সাৱধানতা অৱলম্বন কৰিব লাগে সেয়া প্ৰশাসনৰ লোকে প্ৰচাৰ কৰে ৷

লগতে পঢ়ক :নিষিদ্ধ ড্ৰাগছ সহ জুৰীয়াত আটক ড্ৰাগছ ব্যৱসায়ী