৩৬৬ বছৰীয়া পৰম্পৰাৰে আউনিআটী সত্ৰত কাতি বিহুৰ প্ৰস্তুতি

কাতি বিহু উপলক্ষে ৰাজ্যৰ লগতে মাজুলীটো বৃদ্ধি পাইছে ব্যস্ততা ৷ ৩৬৬ বছৰীয়া পৰম্পৰাৰে ঐতিহ্যসিক আউনিআটী সত্ৰৰ আকাশত প্ৰজ্বলিত হ'ব ২১যোৰা আকাশ বন্তি ৷ মুখ্যমন্ত্ৰী সৰ্বানন্দ সোণোৱালৰ বাবেও থাকিব এযোৰ বিশেষ বন্তি ৷

মাজুলি, 18 অক্টোবৰঃআজি অসমীয়াৰ আদৰৰ কাতি বিহু ৷ সমগ্ৰ ৰাজ্যৰ লগতে মাজুলীটো উখল মাখল পৰিৱেশ ৷ সত্ৰভূমি মাজুলীৰ গাঁৱে ভূঞেঁ, সত্ৰ নামঘৰত সন্ধিয়া তুলসীৰ তলত জ্বলোৱা হ’ব বন্তি ৷ ৩৬৬ বছৰীয়া পৰম্পৰাৰে ঐতিহ্যসিক আউনিআটী সত্ৰৰ আকাশত প্ৰজ্বলিত হ’ব ২১ যোৰা আকাশ বন্তি ৷ মুখ্যমন্ত্ৰী সৰ্বানন্দ সোণোৱালৰ বাবেও থাকিব এযোৰ বিশেষ বন্তি ৷

উল্লেখ্য যে, কাতি বিহু উপলক্ষে বৃহস্পতিবাৰে বিয়লি মাজুলিত উপস্থিত হয় মুখ্যমন্ত্ৰী সৰ্বানন্দ সোণোৱাল ৷ মুখ্যমন্ত্ৰীগৰাকীয়ে এইবেলি পালন কৰিব কাতি বিহু ৷