মাজুলী, 1 ফেব্ৰুৱাৰী : মূল্যবৃদ্ধিত জুৰুলা ৰাজ্যবাসী ৷ অত্যাৱশকীয় প্ৰতিবিধ সামগ্ৰীৰ মূল্যবৃদ্ধিয়ে ইতিমধ্যে আৰ্থিকভাৱে জুৰুলা কৰি পেলাইছে ৰাজ্যবাসীক (Essential commodities price hike) ৷ পেট্ৰ’ল-ডিজেল আদিৰ সমান্তৰালভাৱে ৰেল, বাছ আদিৰো ভাৰা বৃদ্ধি কৰাত সমস্যাৰ সন্মুখীন হৈ আহিছে সৰ্বসাধাৰণ নাগৰিক ৷ তেনে সময়তে ৰাইজৰ মূৰত পুনৰ মূল্যবৃদ্ধিৰে মাধমাৰ শোধোৱাৰ ব্যৱস্থা কৰিছে চৰকাৰে ৷ এইবাৰ চৰকাৰ আৰু আভ্যন্তৰীণ জল পৰিবহণ বিভাগে সিদ্ধান্ত গ্ৰহণ কৰিছে ফেৰী সেৱাৰ ভাৰা বৃদ্ধি কৰাৰ বাবে (Ferry service fares hike)৷
১ ফেব্ৰুৱাৰী অৰ্থাৎ মংগলবাৰৰ পৰা সমগ্ৰ ৰাজ্যতে বৃদ্ধি পাব ফেৰী সেৱাৰ ভাৰা (Increased ferry service fares in Assam)। দুগুণ পৰ্যন্ত বৃদ্ধি পাব ফেৰী সেৱাৰ ভাৰা । সমগ্ৰ ৰাজ্যৰ লগতে মাজুলী-যোৰহাট সংযোগী ফেৰীৰ ভাৰাও বৃদ্ধি হ’ব আজিৰে পৰা ((Increased ferry service fares at Majuli ) ৷ এই খবৰ লাভ কৰাৰ পাছতে জিলাখনত সৃষ্টি হৈছে তীব্ৰ প্ৰতিক্ৰিয়াৰ ৷ উল্লেখ্য যে, যোৱা অক্টোবৰ মাহত মাজুলীৰ দল সংগঠন, মাজুলীৰ স্থানীয় ৰাইজৰ লগত আভ্যন্তৰীণ জল পৰিবহণ বিভাগৰ উচ্চ পৰ্যায়ৰ বিষয়ববীয়াৰ সৈতে সম্পন্ন হৈছিল এক আলোচনা আৰু এই আলোচনাত মাজুলীৰ ৰাইজ, মাজুলীৰ দল সংগঠনে মাজুলী আৰু যোৰহাট সংযোগী পাৰঘাঁটৰ ফেৰীৰ ভাড়া বৃদ্ধি নকৰিবৰ বাবে আভ্যন্তৰীণ জল পৰিবহণ বিভাগৰ উচ্চ পৰ্যায়ৰ বিষয়ববীয়াৰ ওচৰত দাবী জনাইছিল (Inland Water Transport Regulatory Authority) মাজুলীবাসীয়ে ।
মাজুলীৰ দল সংগঠন, সাধাৰণ ৰাইজৰ দাবীক ভেঙুচালি কৰি আজিৰে পৰা অৰ্থাৎ 1 ফেব্ৰুৱাৰীৰ পৰা মাজুলী আৰু যোৰহাট সংযোগী পাৰঘাটৰ ফেৰীৰ ভাৰা এশ শতাংশ বৃদ্ধিৰ বাবে আভ্যন্তৰীণ জল পৰিবহণ বিভাগ সাজু হৈ উঠা বিষয়টোত জাঙুৰ খাই উঠিছে স্থানীয় দল-সংগঠনৰ লগতে সৰ্বসাধাৰণ ৰাইজ ৷ আনকি এই সন্দৰ্ভত ন্যায়ালয়ৰ ৰায়কো চৰকাৰ আৰু আভ্যন্তৰীণ জল পৰিবহণ বিভাগে নস্যাৎ কৰা বুলি অভিযোগ উত্থাপন কৰিছে অসম জাতীয়তাবাদী যুৱ ছাত্ৰ পৰিষদ মাজুলীৰ কৰ্ম কৰ্তাসকলে ৷