মাজুলী, 6 জুলাই :ইটিভি ভাৰতৰ বাতৰিৰ প্ৰভাৱ ৷ অৱশেষত দক্ষিণপাট সত্ৰলৈ সুখবৰ ৷ গুৰুজনাৰ সৃষ্টিৰাজি সাঁচিপতীয়া পুথিৰ পৰা আদি কৰি আহোম ৰাজত্বকালৰ বহু আপুৰুগীয়া সম্পদেৰে পৰিপূৰ্ণ হৈ থকা সত্ৰখনত এই ঐতিহাসিক সম্পদসমূহ সংৰক্ষণৰ বাবে স্থাপন কৰা হ'ব সংগ্ৰহালয় ৷ সংগ্ৰহালয় স্থাপনৰ বাবে ৰাজ্য চৰকাৰৰ সাংস্কৃতিক পৰিক্ৰমা বিভাগে হাতত লৈছে এই গুৰুত্বপূৰ্ণ পদক্ষেপ ৷ ৩.৬৪ কোটি টকাৰে নিৰ্মাণ কৰা হ'ব এই সংগ্ৰহালয় ৷ ৭ জুলাইত মুখ্যমন্ত্ৰী সৰ্বানন্দ সোণোৱালে শ্ৰীশ্ৰীদক্ষিণপাট সত্ৰত আয়োজিত অনুকৃতিমূলক বৃন্দাৱনী বস্ত্ৰ বয়ন প্ৰকল্পৰ শুভাৰম্ভণি অনুষ্ঠানত অংশগ্ৰহণ কৰি আধাৰশিলা স্থাপন কৰিব এই সংগ্ৰহালয়ৰ ৷ এই খবৰে এতিয়া আনন্দিত কৰি তুলিছে মাজুলীবাসীক ৷
শ্ৰী শ্ৰী দক্ষিণপাট সত্ৰত সংগ্ৰহালয়