মাজুলীত আটক গাঞ্জাসহ এজন গাঞ্জা সৰবৰাহকাৰী

মাজুলী আৰক্ষীৰ অভিযানত আটক গাঞ্জাসহ এজন গাঞ্জা সৰবৰাহকাৰী । গাঞ্জা বিৰোধী অভিযানৰ লগতে মাজুলীত আৰক্ষীয়ে কেইবাটাও চুলাই মদৰ ঘাটিও উৎখাত কৰে ।

মাজুলী, 4 জুন : মাজুলী আৰক্ষীৰ ড্ৰাগছ বিৰোধী অভিযানত বৃহৎ সফলতা । মাজুলী আৰক্ষীৰ এক অভিযানত গাঞ্জাসহ এজন গাঞ্জা সৰবৰাহকাৰী আটক কৰা লগতে বহু ঠাইত অভিযান চলাই উৎখাত কৰে কেইবাটাও চুলাই ঘাটি । মাজুলী বালিচাপৰি আৰক্ষী চকীৰ আৰক্ষী বিষয়া জোনমনি ৰাভাৰ নেতৃত্বত চলাইছিল অভিযান ৷

উক্ত অভিযানত আৰক্ষীয়ে লখিমপুৰ মাজুলীৰ মাজত চলা ধুনাগুৰী ঘাটৰ পৰা আটক কৰে এই গাঞ্জা সৰবৰাহকাৰীক । আতকাধীন লোকজন মাজুলী চিলাকলাৰ চেগুন দাস বুলি জানিব পৰা গৈছে । ইয়াৰ সমান্তৰাল ভাৱে মাজুলী আৰক্ষীয়ে বৰুণ চুক বৰগঞাতো উৎখাত কৰে কেইবাটাও চুলাই ঘাটি ।

লগতে পঢ়ক : আংশিক লকডাউনৰ মাজতে ৰাজপথত কি কৰিছে মৰাণৰ ব্যৱসায়ীয়ে ?