অনিৰ্দিষ্ট কাললৈ বন্ধ হ’ল মাজুলী-নিমাতী ফেৰীসেৱা

অনিৰ্দিষ্ট কাললৈ বন্ধ হ’ল মাজুলী-নিমাতী ফেৰীসেৱা (Majuli Nimati ferry service)৷ ব্ৰহ্মপুত্ৰৰ জলস্তৰ বৃদ্ধিৰ হোৱাৰ পৰিপ্ৰেক্ষিতত প্ৰশাসনে ফেৰীসেৱা বন্ধৰ ঘোষণা কৰে ৷

মাজুলী, 14 জুন: যোৱা কেইবাদিনো ধৰি হৈ থকা ধাৰাষাৰ বৰষুণৰ ফলত বৃদ্ধি পাইছে ব্ৰহ্মপুত্ৰ নদীৰ জলস্তৰ (Water level of Brahmaputra) । ব্ৰহ্মপুত্ৰৰ জলস্তৰ বৃদ্ধিৰ লগে লগে মঙলবাৰৰ পৰা অনিদিষ্ট কাললৈ বন্ধ কৰা হৈছে মাজুলী-নিমাতী ফেৰীসেৱা (Majuli Nimati ferry service)। মাজুলী জিলা প্ৰশাসনে জাৰি কৰিলে এই নিৰ্দেশনা ৷

ফেৰীসেৱা বন্ধ হোৱাৰ লগেলগে গৃহবন্দী হৈ পৰিছে মাজুলীৰ দুই লক্ষাধিক জনসাধাৰণ । ইফালে সমান্তৰালকৈ বিকল হৈ আছে ৩ খনকৈ ১০৮ নৌকা সেৱা । দুমাহৰো অধিক সময় বিকল হৈ আছে মাজুলীৰ একমাত্ৰ ১০৮ নাইট ভিজন নৌকা সেৱা ।

ফেৰী সেৱা বন্ধ হোৱাৰ লগে লগে গৃহবন্দী হৈ পৰা মাজুলীৰ দুই লক্ষ জনতাৰ বাবে আন এক চিন্তণীয় বিষয় হৈ পৰিছে বিকল হৈ থকা ১০৮ নৌকা সেৱা (Majuli ambulance service) । মাজুলী আৰু নিমাতীৰ মাজত চলাচল কৰা ফেৰীসেৱা বন্ধ হোৱাৰ লগে লগে মাজুলীৰ ৰোগীৰ পাৰাপাৰ হ’বলৈ একমাত্ৰ ভৰষা আছিল এই ১০৮ কেইখনেই ।

লগতে পঢ়ক:সত্রসমূহৰ অস্তিত্ব সংকটাপন্ন: বেদখলকাৰীৰ কবলত হাজাৰ হাজাৰ বিঘা ভূমি