মাজুলীত অভিযন্তাক লপাথপা ক্ষুদ্ধ ৰাইজৰ

সোমবাৰে মাজুলীৰ খহনীয়া গ্ৰস্থ ৰাইজে ২ ঘণ্টা 30 মিনিট ধৰি আৱদ্ধ কৰি লপাথপা দিলে ব্ৰহ্মপুত্ৰ বৰ্ডৰ কনিষ্ঠ অভিযন্তা নিতুল তালুকদাৰক । মাজুলী স্পৰ্শকাতৰ ভকত চাপৰিৰ গৰুখুটীত সম্পূৰ্ণ ২৩৭ কোটি টকাৰে আৰম্ভ হৈছিল খহনীয়া প্ৰতিৰোধৰ কাম ৷ ব্ৰহ্মপুত্ৰ বৰ্ড আৰু টি কে কোম্পানীৰ অধীনত আৰম্ভ হোৱা 237 কোটি টকাৰ জিঅ' বেগৰ এপ্ৰ'ন দিছিল যদিও সোমবাৰে উটি যায় বেগ সমূহ

মাজুলী, 6 মে': ধৈৰ্যৰ বান্ধ চিগিলে মাজুলীৰ খহনীয়া গ্ৰস্থ ৰাইজৰ ৷ ব্ৰহ্মপুত্ৰ বৰ্ডৰ অভিযন্তাক 2 ঘণ্টা ধৰি আৱদ্ধ কৰে ক্ষুদ্ধ ৰাইজে ৷ ক্ষোভিত ৰাইজে লপাথপা দিলে কনিষ্ঠ অভিযন্তাক ৷ উল্লেখ্য যে, সোমবাৰে মাজুলীৰ খহনীয়া গ্ৰস্থ ৰাইজে ২ ঘণ্টা 30 মিনিট ধৰি আৱদ্ধ কৰি লপাথপা দিলে ব্ৰহ্মপুত্ৰ বৰ্ডৰ কনিষ্ঠ অভিযন্তা নিতুল তালুকদাৰক । মাজুলী স্পৰ্শকাতৰ ভকত চাপৰিৰ গৰুখুটীত সম্পূৰ্ণ ২৩৭ কোটি টকাৰে আৰম্ভ হৈছিল খহনীয়া প্ৰতিৰোধৰ কাম ৷ ব্ৰহ্মপুত্ৰ বৰ্ড আৰু টি কে কোম্পানীৰ অধীনত আৰম্ভ হোৱা 237 কোটি টকাৰ জিঅ' বেগৰ এপ্ৰ'ন দিছিল যদিও সোমবাৰে উটি যায় বেগ সমূহ ৷ বস্তাৰ তলত খালী বস্তা ভৰাই পৰ্যাপ্ত পৰিমাণৰ এপ্ৰ'ন নিদিয়াকৈ অতি নিম্ন মানৰ কাম কৰাৰ বাবেই জিঅ' বেগসমূহ উটি যায় বুলি অভিযোগ কৰে ৰাইজে ৷ যাৰ বাবে এই দৃশ্য দেখি নৈৰ পাৰতে অভিযন্তা গৰাকীক অকথ্য গালি গালাজ পাৰে স্থানীয় ৰাইজে ‌।

আনহাতে, উটি যোৱা জিঅ' বেগসমূহ পানীত নামি ধৰি ৰাখিবলৈ চেষ্টা কৰে ৷ অভিযন্তা গৰাকীক খহনীয়া প্ৰতিৰোধৰ ওপৰত ৰাইজে বিভিন্ন প্ৰশ্ন সোধাত অভিযন্ত্ৰা গৰাকীয়ে নিজৰ দায় সৰা মন্ত্ৰব্য দিয়ে যদিও উত্তেজিত ৰাইজৰ ৰোষত পৰি শেষত জনসাধাৰণৰ ওচৰত হাতযোৰ কৰি ক্ষমা বিচাৰে ৷ পৰৱৰ্তী সময়ত ঘটনাস্থলীত কমলাবাৰী আৰক্ষীৰ লগতে অতিৰিক্ত সহকাৰী আয়ুক্ত অচ্যুত বৰুৱা আৰু বিভাছ পাঠক উপস্থিত হৈ উদ্ধাৰ কৰে অভিযন্তা গৰাকীক ।