মাজুলী,19 মে’:কৰ’ণাৰ ভয়াৱহতাৰ মাজতে মাজুলীত সংঘটিত হৈছে এক আশ্চৰ্যকৰ ঘটনা ৷ ঘটনাটো সংঘটিত হৈছিল বিগত 13 মে’ত ৷ উক্ত দিনটোতে মাজুলীত উপস্থিত হৈছিল মুখ্যমন্ত্ৰী ড৹ হিমন্ত বিশ্ব শৰ্মা ৷ মুখ্যমন্ত্ৰী শৰ্মাক গামোচা পিন্ধাইছিল হোম কোৱাৰেণ্টাইনত থকা এগৰাকী কৰ’ণা ৰোগীয়ে ৷
মাজুলীত কৰ’ণা ৰোগীয়ে গামোচা পিন্ধালে মুখ্যমন্ত্ৰীক
ইয়াৰোপৰি মুখ্যমন্ত্ৰীৰ সৈতে মাজুলীৰ প্ৰায় প্ৰতিটো অনুষ্ঠানত ভাগ লৈছিল ৰোগীজনে ৷ কৰ’ণাক্ৰান্ত ৰোগীজনৰ নাম হৰি প্ৰসাদ পেগু ৷ উল্লেখ্য যে, মুখ্যমন্ত্ৰী ড৹ হিমন্ত বিশ্ব শৰ্মা মাজুলী পৰিদৰ্শন কৰাৰ এদিন পূৰ্বে ৰোগীজনৰ দেহত ধৰা পৰিছিল কৰ’ণাৰ অৱস্থিতি ৷ কৰ’ণাত আক্ৰান্ত হোৱাৰ পাচত তেওঁ নিজে হোম কোৱাৰেণ্টাইনত থাকিম বুলি চিকিৎসালয়ত চহী কৰে ৷