লুইতৰ বুকুত ভয়ংকৰ নাও দুৰ্ঘটনা; সন্ধানহীন বহুলোক

নিমাতীঘাটত ভয়ংকৰ নাও দুৰ্ঘটনা ৷ দুখন নাৱে মুখামুখিকৈ খুন্দা মৰাৰ ফলতে দুৰ্ঘটনাতো সংঘটিত হয় ৷ শতাধিক যাত্ৰী আছিল নাও দুখনত ৷ লুইতৰ বুকুত ডুব গৈছে বহুলোক ৷

নিউজ ডেস্ক, 8 ছেপ্তেম্বৰ :মাজুলীৰ নিমাতীঘাটত ভয়ংকৰ নাও দুৰ্ঘটনা ৷ বুধবাৰে বিয়লি প্ৰায় 5 বজাত সংঘটিত হৈছে উক্ত নাও দুৰ্ঘটনা ৷ দুখন নাৱে মুখামুখিকৈ খুন্দা মৰাৰ ফলতে দুৰ্ঘটনাতো সংঘটিত হয় ৷ তথ্য অনুসৰি, মাজুলীৰ পৰা এখন নাও নিমাতীঘাটলৈ গৈ থকাৰ বিপৰীতে আনখন নাও মাজুলীৰ পৰা নিমাতীঘাট অভিমুখে আহি আছিল ৷

দুয়োখন নাৱতে আছিল শতাধিক যাত্ৰীসহ বাহন ৷ ভাদমহীয়া ভৰা লুইতৰ বুকুত সংঘটিত হোৱা নাও দুৰ্ঘটনাটোত শতাধিক যাত্ৰী সন্ধানহীন হৈ পৰে ৷ তদুপৰি একাংশ যাত্ৰীয়ে সাঁতুৰি প্ৰাণৰক্ষা কৰে ৷ ঘটনাটো সংঘটিত হোৱাৰ পিছতে ঘটনাস্থলীত উপস্থিত হৈছে NDRF আৰু SDRF বাহিনী ৷

এই মূহুৰ্তলৈকে এগৰাকী যুৱতীৰ মৃতদেহ উদ্ধাৰ কৰাৰ লগতে 7 টি শিশুক জীৱন্তে উদ্ধাৰ কৰিছে অভিযানকাৰী দলে ৷ লুইতৰ জলস্তৰ বৰ্ধিত মাত্ৰাত থকাৰ হেতুকে অধিকাংশ যাত্ৰী ডুব যোৱাৰ আশংকা কৰা হৈছে ৷

ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই এই দুৰ্ঘটনাৰ শোকপ্ৰকাশ কৰে বৃহস্পতিবাৰে ঘটনাস্থলী পৰিদৰ্শন কৰাৰ কথা ব্যক্ত কৰে ৷ লগতে ৰাজ্য চৰকাৰৰ মন্ত্ৰী বিমল বৰায়ো এইক্ষেত্ৰত শোক প্ৰকাশ কৰি মুখ্যমন্ত্ৰীৰ নিৰ্দেশমৰ্মে ঘটনাস্থলীলৈ ৰাওনা হৈছে ৷

লগতে চাওক:আলফা(স্বা) ৰ নতুন ৰূপেৰে পৰেশ বৰুৱাৰ কিহৰ ইংগিত ?