মাজুলী, 8 আগষ্ট : পূৱ মাজুলীৰ বনগাঁৱত সোমবাৰে জাপান কাৰাটে এছ’চিয়েচনৰ(Japan Karate Association Majuli district Committee) মাজুলী শাখাৰ প্ৰশিক্ষাৰ্থীসকলক বেল্ট আৰু মানপত্ৰ প্ৰদান কৰা হয় । এই উপলক্ষে বনগাঁও গাঁও পঞ্চায়তৰ সভাকক্ষত এখন সভা অনুষ্ঠিত কৰা হয় । জাপান কাৰাটে এছ’চিয়েচন সন্থাৰ সম্পাদকে আঁত ধৰা সভাখনৰ সভাপতি হিচাপে পৰিচালনা কৰে পূৱ মাজুলী কাৰাটে সন্থাৰ সভাপতি পূৰ্ণ শইকীয়াই ।
জাপান কাৰাটে এছ'চিয়েচনৰ মাজুলী শাখাৰ প্ৰশিক্ষাৰ্থীক বেল্ট প্ৰদান
মহাপুৰুষ শ্ৰীমন্ত শংকৰদেৱৰ বিৰচিত বৰগীতেৰে মঞ্চ মুকলি হোৱা সভাখনত বিশিষ্ট ব্যক্তি হিচাপে উপস্থিত থাকি বক্তব্য আগবঢ়াই মাজুলীৰ বিধায়ক ভুৱন গামে(Majuli MLA Bhuban Game) । উক্ত অনুষ্ঠানত জাপান কাৰাটে এছ’চিয়েচনৰ মাজুলীৰ প্ৰশিক্ষাৰ্থীসকলক বিধায়ক ভুৱন গামে বেল্ট আৰু মানপত্ৰ প্ৰদান কৰে ।