জৰাজীৰ্ণ ৰূপত মাজুলীৰ এটা অংগনবাড়ী কেন্দ্ৰ

হাবি জংঘলেৰে ভৰি পৰিছে এটি অংগনবাড়ী কেন্দ্ৰ (Anganbari Centre) ৷ উজনি মাজুলীৰ ২১৫ নং জামুগুৰি অংগনবাড়ী কেন্দ্ৰটোৱে আজিলৈকে নাপালে এটা স্থায়ী ঘৰ (An Anganwadi center in dilapidated condition in Majuli) । অস্বাস্থ্যকৰ পৰিৱেশত পাঠদান কৰিছে কণ কণ শিশুক ৷ এই ক্ষেত্ৰত কানসাৰ নাই জনপ্ৰতিনিধি কিম্বা সমাজকল্যাণ বিভাগৰ মন্ত্ৰী আমোলাৰ ৷

মাজুলী, 24 জুন: উন্নয়নকামী চৰকাৰৰ দিনত এফালে যদি আদৰ্শ অংগনবাড়ী কেন্দ্ৰ স্থাপন, আনফালে আকৌ গোহালী ঘৰ সদৃস পৰিৱেশলৈ পৰিণত হৈছে একাংশ কেন্দ্ৰ ৷ আজি আমি এটি অংগনবাড়ী কেন্দ্ৰ দেখুৱাম যিটো কেন্দ্ৰৰ অৱস্থা দেখিলে আপোনাৰো চকু কপালত উঠিব (Anganbari Centre) ৷ চাৰিটা খুটা, ৫খন টিনপাটেৰে আৱৰা এটি জৰাজীৰ্ণ গৃহ তথা চৌহদৰ চৌদিশ ভৰি পৰা অংগনবাড়ী কেন্দ্ৰ ৷ উজনি মাজুলীৰ অন্তৰ্গত ২১৫ নং জামুগুৰি অংগনবাড়ী কেন্দ্ৰটোতে (An Anganwadi center in dilapidated condition in Majuli) এক অস্বাস্থ্যকৰ পৰিৱেশত পাঠদান কৰিব লগা হৈছে কণ কণ শিশুহঁতক ৷

এক কথাত কবলৈ গ’লে এয়াই যেন সমাজ কল্যাণ বিভাগৰ প্ৰকৃত ছবিখন (Department of Social Welfare)। এনেদৰেই জৰাজীৰ্ণ অৱস্থাত চলিছে অংগনবাড়ী কেন্দ্ৰটোৰ পাঠদান । বতাহ-বৰষুণৰ মাজতে অস্বাস্থ্যকৰ পৰিৱেশত আহাৰ গ্ৰহণ কৰিব লাগে কণ কণ শিশুহঁতে ৷

উল্লেখ্য যে, ৰাজ্যৰ শিক্ষা বিভাগে নতুন শিক্ষা নীতি আৰু শিক্ষাখণ্ডৰ উন্নয়নৰ বাবে যিমানেই অভিলাষী আঁচনি ঘোষণা কৰাৰ কথা কৈ আহিছে, সিমানেই বিভাগটোৰ প্ৰকৃত স্বৰূপটোহে উন্মোচিত হৈ অহা পৰিলক্ষিত হৈছে । তাৰে উদাহৰণস্বৰপে উজনী মাজুলীৰ এই জামুগুৰি অংগনবাড়ী কেন্দ্ৰ ৷ প্ৰায় ২০ টিকৈ কণ কণ শিশু থকা কেন্দ্ৰটোত ৰ’দে বৰষুণে এতিয়া অতি দুখলগা অৱস্থাত গ্ৰহণ কৰিবলগীয়া হৈছে শিক্ষা ।

কিন্তু এই ক্ষেত্ৰত কানসাৰ নাই স্থানীয় জনপ্ৰতিনিধি কিম্বা সমাজকল্যাণ বিভাগৰ মন্ত্ৰী-আমোলাৰ ৷ সমানেই গুৰুত্ব নাই স্থানীয় প্ৰশাসনৰো ৷ ২০১০ চনতে আৰম্ভ হোৱা অংগনবাড়ী কেন্দ্ৰটোৱে আজিও নাপালে এটা স্থায়ী ঘৰ । সেয়েহে সংশ্লিষ্ট কৰ্তৃপক্ষই অতি শীঘ্ৰেই বিষয়টো গুৰুত্ব সহকাৰে লৈ এটা স্থায়ীগৃহ স্থাপনৰ বাবে চৰকাৰক দাবী জনাইছে কণ কণ শিশুহঁতৰ অভিভাৱক তথা স্থানীয় ৰাইজে ৷

লগতে পঢ়ক:মধ্যাহ্ন ভোজনৰ চাউলৰ নামত কি খাইছে আপোনাৰ শিশুটিয়ে ?