হাতী-মানুহৰ সংঘাতৰ পৰা পৰিত্ৰাণ পাবলৈ ৰাইজে পাতিলে হস্তী পূজা

নিশা হ'লেই লখিমপুৰৰ নাওবৈচাৰ ঢেকিয়াজুলিত উপদ্ৰৱ চলায় বন্যহস্তীয়ে(Wild Elephant menace in Nowboicha) । হাতীৰ আক্ৰমণৰ আশংকাত উজাগৰে নিশা কটাবলগীয়া হয় গঞাই । উপায়হীন হৈ ঈশ্বৰৰ চৰণত শৰণাপন্ন হ'ল ঢেকিয়াজুলিৰ ৰাইজ ।

নাওবৈচা, ২০ ডিচেম্বৰ : বন বিভাগৰ ওপৰত আস্থা হেৰুৱাইছে লখিমপুৰৰ নাওবৈচাৰ ঢেকিয়াজুলিবাসীয়ে । জাকে জাকে বন্যহস্তীয়ে অঞ্চলটোত উপদ্ৰৱ চলাই অহাৰ পাচতো বন বিভাগৰ লোকে হাতী খেদোৱাৰ উপযুক্ত ব্যৱস্থা গ্ৰহণ নকৰাৰ অভিযোগ উত্থাপন কৰিছে ৰাইজে । বন বিভাগেও কোনো ব্যৱস্থা গ্ৰহণ নকৰাত এতিয়া আতংকিত হৈ পৰিছে ঢেকিয়াজুলিবাসী(Man Elephant conflict in DhekiaJuli) ।

উপায়হীন হৈ এতিয়া ৰাইজে বন্যহস্তীৰ ত্ৰাসৰ পৰা ৰক্ষা কৰিবলৈ প্ৰাৰ্থনা জনাইছে নেদেখাজনৰ ওচৰত(Villagers offers puja to get rid of elephant) ।সোমবাৰে পুৱা সমগ্ৰ অঞ্চলৰ ৰাইজ একত্ৰিত হৈ হস্তী পূজা আগবঢ়ায় । জানিব পৰা মতে, অসম-অৰুণাচলৰ সীমান্তৱৰ্তী ৰঙা সংৰক্ষিত বনাঞ্চলৰ(Ronga reserve forest in Assam Arunchal border) পৰা খাদ্যৰ সন্ধানত প্ৰতি দিনে নামি আহে জাকে জাকে বনৰীয়া হাতী । বনহস্তীয়ে সমগ্ৰ অঞ্চলটোতে উপদ্ৰৱ চলায় ।

ফলত উজাগৰে নিশা কটাবলৈ বাধ্য হৈছে নাওবৈচাৰ ঢেকিয়াজুলিবাসীয়ে । বনৰীয়া হাতীয়ে বাসগৃহ-ভঁৰাল আদি ভাঙি টহিলং কৰাৰ লগতে গছ-গছনি আৰু বাৰীৰ বিভিন্ন শস্যও নষ্ট কৰি আহিছে ।

ধান খেতিৰ লগতে অন্যান্য ৰবি শস্যও খাই-গচকি নষ্ট কৰে বনৰীয়া হাতীয়ে । আনহাতে, হাতীৰ আক্ৰমত ইতিমধ্যে বহু কেইজনক লোকে অকাল মৃত্যুক আঁকোৱালি ল'বলগীয়া হৈছে । সেয়ে, বন্যহস্তীৰ পৰা পৰিত্ৰাণ বিচাৰি ইশ্বৰৰ ওচৰত প্ৰাৰ্থনা জনাই সামূহিকভাৱে ডাঙৰীয়া পূজা তথা হস্তী পূজা কৰে অঞ্চলবাসীয়ে ।

উল্লেখ্য যে, ৰঙা সংৰক্ষিত বনাঞ্চলৰ গাভৰু এলেকাত বনাঞ্চল ধ্বংস হোৱাৰ ফলত খাদ্যৰ অভাৱত বনাঞ্চলৰ হাতীবোৰে গাভৰু নৈ পাৰ হৈ নিশা জনাঞ্চলত উপদ্ৰৱ চলাই বুলি জানিবলৈ দিছে স্থানীয় ৰাইজে ।

লগতে পঢ়ক:Man elephant conflict at sonari : সোণাৰিত বন্যহস্তীয়ে ভাঙি তহিলং কৰিলে এটি পৰিয়ালৰ বাসগৃহ