বিহপুৰীয়া,৬জুলাই: নাৰায়ণপুৰৰ ১৫ নং ৰাষ্ট্ৰীয় ঘাইপথৰ বৰপথাৰ চাৰিআলিৰ পৰা ভোলাবৰী সংযোগী গড়কাপ্তানি পথচোৱাৰ নিৰ্মাণ কাৰ্যত সংঘটিত হৈছে এই অনিয়ম ৷ উল্লেখ্য যে, দুবছৰৰ পূৰ্বে প্ৰায় ৫ কিল'মিটাৰ দৈৰ্ঘ্যৰ এই পথচোৱা এচ অ' পি ডি'ৰ অধীনত নিৰ্মাণৰ বাবে স্থানীয় বিধায়ক দেবানন্দ হাজৰিকাই আধাৰশিলা স্থাপন কৰিছিল । ইতিমধ্যেই জৰাজীৰ্ণ হৈ পৰা পথছোৱাৰ আধাৰশিলা স্থাপনৰ দুবছৰৰ পিছত চাৰিদিন পূৰ্বেহে নিৰ্মাণ কাৰ্য আৰম্ভ কৰিছিল ঠিকাদাৰে ৷ কিন্তু দুৰ্ভাগ্যজনক কথা এয়ে যে, পথচোৱা নিৰ্মাণত নিয়োজিত ঠিকাদাৰ গৰাকীয়ে ব্যাপক অনিয়ম সংঘটিত কৰাৰ অভিযোগ উত্থাপন হৈছে ৷ পথটো ব্লেকট্ৰপিং কৰাৰ মাত্ৰ চাৰিদিন পিছতে বখলা-বখলে এৰাই যোৱাত এতিয়া স্থানীয় ৰাইজ ক্ষোভিত হৈ পৰিছে ।
নাৰায়ণপুৰত পথ মেৰামতিৰ নামত ব্যাপক অনিয়ম
মন্ত্ৰী ড° হিমন্ত বিশ্বৰ শৰ্মাৰ গড়কাপ্তানি বিভাগটো এতিয়া ব্যাপক দুৰ্নীতি । এইবাৰ নাৰায়ণপুৰত দেখা গ'ল গড়কাপ্তানি বিভাগত চলা ব্যাপক আনিয়মৰ আন এক নমুনা । নাৰায়ণপুৰত নিৰ্মাণৰত অৱস্থাতে বখলা-বখলে এৰাইছে পথৰ ব্লেকটপিং । এই লৈ অসন্তুষ্ট স্থানীয় জনসাধাৰণ ।
নাৰায়ণপুৰত পথ মেৰামতিৰ নামত ব্যাপক অনিয়ম
দীৰ্ঘদিন ধৰি জৰাজীৰ্ণ অৱস্থাত থকা পথচোৱা নিৰ্মীয়মাণ অৱস্থাতে এনেদৰে এৰাই যোৱাত ৰাইজে অসন্তুষ্টি প্ৰকাশ কৰিছে ৷ অতি নিম্নমানদণ্ডৰ কামেৰে পথটো নিৰ্মাণ কৰাৰ ফলতে এনেদৰে বখলা-বখলে ব্লেকটপিং এৰাই গৈছে বুলি স্থানীয় ৰাইজে অভিয়োগ কৰিছে ৷ স্থানীয় ৰাইজৰ অভিযোগ পথচোৱা ভালকৈ চাফা নকৰাকৈয়ে পথটোৰ নিৰ্মাণৰত অংশত ব্লেকটপিং কৰা হৈছিল ৷ যদিহে উন্নত মানদণ্ডৰে পথচোৱা পুনৰ নিৰ্মাণ নকৰে তেনেহ'লে আছু আৰু একত্ৰিত যুৱ পৰিষদে স্থানীয় ৰাইজৰ সহযোগত পথৰ বাকী অংশৰ নিৰ্মাণ কাৰ্য বন্ধ কৰি দিয়াৰ হুংকাৰ দিলে স্থানীয় একাংশ লোকে ।
নাৰায়ণপুৰত পথ মেৰামতিৰ নামত ব্যাপক অনিয়ম
দুৰ্নীতিৰ ক্ষেত্ৰত শূণ্য সহনশীলতাৰ কথা কৈ থকা সৰ্বানন্দ সোণোৱাল নেতৃত্বাধীন চৰকাৰ খনে এনে দুৰ্নীতিগ্ৰস্ত ঠিকাদাৰৰ বিৰুদ্ধে এতিয়া কেনে পদক্ষেপ গ্ৰহণ কৰে পৰৱৰ্তী সময়ত সেয়া হ'ব লক্ষণীয় ।