লখিমপুৰ, ৮ ফেব্ৰুৱাৰী: বনৰজাৰ অংগ বিক্ৰী কৰিবলৈ আহি বনবিভাগৰ জালত পৰিল তিনিটাকৈ চোৰাং বেপাৰী ৷ লখিমপুৰৰ বান্দৰদেৱাত বন্যপ্ৰাণী অপৰাধ নিয়ন্ত্ৰণ শাখা আৰু বনবিভাগৰ অভিযানত ধৰাপৰে এই চোৰাং বেহাৰ ঘটনা (Three smugglers arrested with tiger skin, bones etc in Lakhimpur) ।
বাঘৰ ছাল, নখ, হাড় বিক্ৰী কৰিবলৈ আহোতে জালত পৰিল তিনি যুৱক । ইয়াৰে দুটা চোৰাং বেপাৰীৰ ঘৰ অৰুণাচলত আৰু এটাৰ ঘৰ অসমত । ধৃত চোৰাং বেপাৰীকেইটা হৈছে জোনাইৰ প্ৰবীণ দলে, অৰুণাচলৰ আলোৰ নায়া নায়া য়ুংছা আৰু টাপে য়ুংছা । এমাহ পূৰ্বে এটা ঢেঁকীয়াপতীয়া বাঘক হত্যা কৰি অংগসমূহ অসমত বিক্ৰীৰ যো-যা কৰিছিল এই দলটোৱে ।
বনৰজাৰ অংগসহ লখিমপুৰত আটক তিনি চোৰাং বেপাৰী