বিহপুৰীয়া,28 অক্টোবৰ : বুধবাৰে পুৱাৰ ভাগত লখিমপুৰৰ নাৰায়ণপুৰৰ ৰাজপথত দেখা গ’ল বিজেপিৰ ৰাজ্যিক সভাপতি ৰণজিৎ কুমাৰ দাসক ৷ লখিমপুৰৰ এক দলীয় কাৰ্যসূচীত অংশগ্ৰহণ কৰিবলৈ গৈ নাৰায়ণপুৰৰ দেউৰী স্বায়ত্ত শাসিত পৰিষদৰ গেষ্ট হাউছত নিশা যাপন কৰি ৰাজপথত দলীয় সদস্যৰ সৈতে মৰ্ণিং ৱাক কৰে সভাপতি ৰণজিৎ কুমাৰ দাসে ৷
মঙলবাৰে তেওঁ অংশগ্ৰহণ কৰা গেষ্ট হাউছত অনুষ্ঠিত যোগদান কাৰ্যসূচীত বিজেপিত যোগদান কৰিলে কেইবাগৰাকী কংগ্ৰছ নেতাৰ লগতে বিদ্যালয়-মহাবিদ্যালয়ৰ কেইবাজনো অৱসৰপ্ৰাপ্ত শিক্ষক-অধ্যাপককে ধৰি কৃষক মুক্তি, টিএমপিকেৰ কেইবাজনো সদস্যই ৷
উল্লেখ্য যে,কিছুদিন পূৰ্বে অসম প্ৰদেশ কংগ্ৰেছৰ সম্পাদক হেমন্ত নেওগে বিজেপি দলত যোগদান কৰাৰ পাছত তেওঁৰ নেতৃত্বত কংগ্ৰেছ শিবিৰৰ কেইবাগৰাকীও নেতাই গেৰুৱা বসন পৰিধান কৰে ৷ বিহপুৰীয়া সমষ্টিত কংগ্ৰেছৰ শক্তিশালী ভেটিত মোক্ষম আঘাট হানি নিজৰ ৰাজনৈতিক ভৱিষ্যত শক্তিশালী কৰিবলৈ চেষ্টা চলোৱা হেমন্ত নেওগ হ’ব পাৰে পৰৱৰ্তী বিধানসভা নিৰ্বাচনত বিহপুৰীয়া সমষ্টিৰ দলীয় প্ৰাৰ্থী ৷
নিৰ্বাচনী কুচ-কাৱাজত নামি পৰিছে ৰাজ্যিক বিজেপি সভাপতি ৰণজিৎ দাস ইফালে সাংবাদিকৰ প্ৰশ্নৰ উত্তৰত সভাপতি ৰণজিৎ দাসে নৱেম্বৰ মাহটো বিজেপিৰ বাবে গুৰুত্বপূৰ্ণ মাহ হিচাপে বিবেচিত হোৱা বুলি উল্লেখ কৰি সদস্য অভিযান তীব্ৰ কৰি তোলাৰ কথা অৱগত কৰে । লগতে শংকৰদেৱ কলাক্ষেত্ৰত মিঞা মিউজিয়াম সন্দৰ্ভতো মন্তব্য কৰে সভাপতিগৰাকীয়ে ।
লগতে পঢ়ক :বিলাসী বাহনতহে ঘূৰে ছাগলী চোৰ!
